Gaurtik aurrera maskara erabili behar da kalean, leku publikoetan eta toki itxietan

6 urtetik beherako umeak, ordea, betekizun horretatik kanpo daude. Hegoaldean, kalean, aire zabalean eta toki itxietan jantzi beharko dira, bi metroko tartea gorde ezin bada.

Bi pertsona, maskara jantzita, kalean. Argazkia: EFE

Agentziak | Erredakzioa

2020/05/20 - 10:43

Azken eguneratzea

2020/05/21 - 10:06

Gaurtik aurrera, maskara derrigor erabili behar da bide publikoan, aire librean eta erabilera publikoa duten edo publikoarentzat irekita dauden espazio itxi guztietan, pertsonen arteko bi metroko segurtasun tartea gorde ezin bada, Espainiako Gobernuaren aginduaren arabera.

Salvador Illa Espainiako Osasun ministroak erabakia jakinarazi ostean, Espainiako Aldizkari Ofizialak atzo, asteazkena, kaleratu zuen agindua. Bertan azaltzen denez, betekizun horretatik kanpo gelditzen dira 6 urtetik beherako umeak, baina 3 eta 4 urteko umeek musukoa erabiltzea “gomendagarria” da.

Salbuespenen artean, maskara erabiltzeak larriago lezakeen arnas zailtasunak dituztenak ere badaude, baita osasun arrazoi bategatik maskara erabiltzea kaltegarri zaienak ere, baina ondo egiaztatu beharko dute.

Halaber, urritasunen bat dutenek edo dependentzia egoeran daudenek ere ez dute erabili beharko, maskarak berorren erabilera eragozten duen jokabide alterazioa eragiten badie.

Horrez gain, berez maskara erabiltzearekin bateragarriak ez diren ekintzetarako ere ez da jarrita izan beharko, jateko eta edateko esaterako. Azkenik, babesa erabiltzetik salbuetsita egongo dira ezinbesteko arrazoiak edo beharrizan gorria aipatzen dituztenak.

Igorpena gelditu

Espainiako Exekutiboak azaldu duenez, COVID-19a ez zabaltzeko, herritar gehienek maskara erabili beharko dute, ez bakarrik “kutsakortasun maila altua”, ezpada “maskarek tanta infektatuak gelditzeko ahalmena erakutsi izana oso garrantzitsua baita segurtasun tartea gorde ezin denean”.

Hala, garraio publikoetan ez ezik, orain espazio itxietan eta bide publikoan ere erabili beharko dira musukoak nahitaez, besteekin gutxienez bi metroko segurtasun tartea gorde ezin denean.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, eta derrigorrezkoak garraio publikoa erabiltzen baduzu.

Albiste gehiago gizartea

san martin unx nafarroa sutea incendio navarra efe

Baso-suteak sortzeko arrisku "handia" eta "oso handia" Nafarroan

Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.

VITORIA, 20/06/2025.- Un incendio ocurrido este viernes en la fábrica del productos de higinene personal LEA, en Vitoria, ha causado llamaradas de varios metros de altura y una densa columna de humo que es visible desde toda la ciudad. EFE / L. Rico

Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute

Suhiltzaileek lantegira ura botatzen jarraitzen dute, su txiki gehiago izan ez dadin.

EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian

Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.

Gasteizko LEA enpresaren lantegiko sutearen aireko irudiak

Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.

"6 edo 7 leherketa izan dira, baina bat oso handia izan da eta eraikin osoa dardarka jarri du"

Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.

Sutea piztu da LEA fabrikan, eta Arabako hiriburu osotik ikus daiteke kea

Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.

LEAko langilea: "Shock egoeran gaude, eta ez dakigu zer gertatuko den gure lanpostuekin"

Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.