Hondartzainak Kontxako hondartzarako sarbideak zaintzen hasiko dira gaurtik aurrera
Hondartzainak Donostiako Kontxako sarbideak zaintzen hasiko dira gaurtik aurrera. Astelehen honetan, hainbat zerbitzu jarri dituzte martxan hiriko hondartzetan, baina denboraldi ofiziala uztailaren 1ean hasiko da, Marisol Garmendia Hiriko proiektuen zinegotziak jakitera eman duenez.
Beraz, Kontxarako sarbideetan hondartzainak daude jada, hondartzarako sarbideak kontrolatzeaz eta uneoro edukiera adierazten duten banderatxoak aldatzeaz arduratuko diren zaindariak dira.
Garmendiak adierazi duenez, "banderatxo hauek dagoeneko martxan daude, Cervantes Plazako lehen arrapalaren ondoan, Erlojuen biribilgunean eta Eguzki ondoko sarbidean".
"Banderatxo berdeak adierazten du sarbidea ez dagoela mugatuta; hondartza betetzen hasten denean edo itsasgora hurbiltzen denean horia ezarriko da; eta hondartza beteta dagoenean edo itsasgoraren ordua denean gorria ezarriko da, betiere, itsasgora baino bi ordu lehenago eta bi ordu geroago hondartza ez erabiltzeko gomendioa errespetatuz", azaldu du.
Hiriko beste hondartzek beren edukieraren berri Udalen webgunearen bitartez emango dute, erabilgarri dagoen espazioa neurtuko duten kameren informazioarekin, edo Aldundiaren gailu mugikorretarako aplikazioaren (APP) bidez, gainerako hondartzek ez baitute Kontxako hondartzak itsasgorarekin duen arazorik.
Zerbitzu horiez gain, hiru hondartzetako sorosleena eta bainu lagunduarena ere hasi da martxan, irailaren 15ean denboraldi ofiziala amaitu arte funtzionatuko dutenak. Dutxak ere ireki dira, eta distantziak ziurtatzeko bi txorrota baino ez daude martxan, konketak (baita erdiko txorrota itxita dutenak ere) eta hondartzetako kabinetako pixatokiak ere erabilgarri daude.
Bestalde, astelehen honetan ere erabiltzaile guztien eskura jarri dituzte hiriko banu publikoak. Duela egun batzuk autogarbitzaileak ireki zituzten, eta arretarako langileak dituztenak ere zabalik daude.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.