Haurreskoletara itzultzeko plan "adostu" bat eskatu dute sindikatuek
LAB, Steilas eta ELA sindikatuek Haurreskolak Partzuergoan itzultzeko plan "adostu" bat exijitu dute, haurrak "erdigunean" jarriko dituena, baita ratio jaitsiera bat ere bermatuko duena, eta, aldi berean, haurrak ikastetxeetara nola itzuli diseinatzeko orduan "planifikazio falta" izan dela salatu dute.
Sindikatuek "negoziazio, inprobisazio eta planifikazio falta" salatu dute astearte honetan, Eibarren, Haurreskolak Partzuergoaren egoitzaren aurrean egindako agerraldian.
Adierazi dutenez, Haurreskolak Partzuergoak irailera arte haur eskolak ez zituela irekiko iragarri zuen gutun baten bidez, eta astebetera, ekainaren 8an, "oraindik alarma egoeraren 3 fasean egonda, irekitzeko baimena eman zieten".
Sindikatuen aburuz, erabaki horrekin "interes ekonomikoak hezkuntza komunitateko kide gazteenen, hezitzaileen eta, oro har, gizartearen segurtasunaren gainetik kokatzen dira".
Eusko Jaurlaritzak, sindikatuek kritikatu dutenez, "0-3 zikloa hezkuntza sistematik kanpo utzi du berriro, eta interes ekonomikoak irizpide pedagogikoen eta haurren eta langileen ongizatearen gainetik jarri ditu, Haurreskolak Partzuergoko eskolak irekitzeko erabakia hartzeko orduan".
"Pandemiaren ondorioz hiru hilabetez ikastetxeetara joan gabe egon diren haurren beharrei ez erantzuteaz gain, ez dute euren osasuna eta segurtasuna lehenetsi", sindikatuen esanetan, eta, kritikatu dutenez, Hezkuntza Sailak "alde bakarrez" hartu du erabakia, "gizartearen iritzia kontuan hartu gabe".
"0-3 zikloarekiko erakutsitako mespretxuaren aurrean, Haurreskolak Partzuergoko kide diren langileei mobilizatzea besterik ez zaigu geratzen", adierazi dute sindikatuek.
LAB, Steilas eta ELA sindikatuek "haurren eskubideak erdigunean jartzeko eta Haurreskolak Partzuergoaren izaera pedagogikoa onartzeko" eskatu diote Jaurlaritzari.
Era berean, aurkeztuko dieten itzulera plana "adostea" exijitu dute, eta, euren ustez, "ikasturte amaiera honetarako prebentzio plan bat, haurrentzat egokitze aldi bat eta ratio jaitsiera bat" bermatu beharko lukete, besteak beste.
Modu berean, ikasgelako haur kopurua proportzionalki jaisten bada, "gutxienez bi hezitzaile modu iraunkorrean egotea, ordutegiak murriztea eta espazioen antolaketa diseinatzea" eskatu dute.
Datorren ikasturteari begira, hainbat prebentzio plan gauzatzeko eskatu dute, "egon daitezkeen egoeretara egokituta: normaltasuna, gaixotasunaren berragerpen posiblea eta konfinamendu egoerara itzultzea".
Albiste gehiago gizartea
Sutea Gizateriaren Ondare den Kordobako meskitan
Sua 21:00ak pasatxo zirenean hasi da, eta, batez ere, eraikinaren alde garaienari eragin dio. Meskitaren milaka urteko historian, aurretik bi sute baino ez ditu jasan: 1910ean, duela 115 urte, eta 2001ean, bigarrena.
Algen inbasioa Nojako Trengandin hondartzan
Kaltegarria ez den Asiako alga bat da, eta itsasoaren tenperatura altuagatik Kantauri itsasoan areagotzen ari da. Bizilagunen eta turisten arteko disgustua agerikoa da, eta batzuek uretara ez sartzea ere erabaki dute.
Kanibalismo arrastoak topatu dituzte Atapuercan
Ikertzaile talde batek beste kanibalismo kasu berri bat aurkitu du El Mirador kobazuloan, Atapuercako aztarnategian (Burgos). Duela 5.700 urte gertatu omen zen, Neolito amaieran, tokiko gatazken ondorioz, zeremonia edo erritualekin zerikusia duen zantzurik atzeman gabe. Lehen nekazari taldeen arteko liskarrak ohikoak ziren, eta oso bortitzak gainera. Beste tribuetakoak hiltzeaz gain, kanibalismoa praktikatzen zuten. Hala ere, badira kanibalismoaren ebidentziak beste aztarnategi askotan; adibidez, Isturitzen (Nafarroa Beherea).
Orain Jumillan edo lehenago Torre Pachecon gertatutakoaren atzean "asmo politiko garbia" ikusten du Othmanek
Zornotzan bizi den musulman honek ETBri esan dionez, baldintza soziekonomiko apaleko tokiak dira, baliabide gutxikoa bertako jendea, kanpotik lanera doana, "ia esklabutza egoeran" bada ere. Horren hitzetan, osagai horiek baliatzen dituzte "sumindura eragin eta etekin politikoa ateratzeko".
Elkartasun kanoikada batek piztuko du larunbat honetan Donostiako Aste Nagusiaren metxa
Udaletxetik jaurti ohi duten kanoikadak Elikagaien Bankua eta Amara Berriko Auzo Elkartea izango ditu protagonista aurten. Donostia Festak elkarteko ordezkariek prentsaurrekoa eskaini dute Aste Nagusiaren hasierari buruzko xehetasunak emateko.
Arantzazura eraman dituzte jada Donostian kalean bizitzen egon diren Maliko 50 migratzaileak
Gurutze Gorriak Oñatira eraman ditu gaua Donostian igarotzen zuten Maliko migratzaileak, aldi baterako ostatu batera. Amara auzoan kalean zeuden 50 afrikarrei Arantzazuko aterpean eman diete ostatu, asilo eskaria bideratu bitartean. Ostiral honetan eraman dituzte Amara Berri ikastetxe publikotik, Donostiako Kofradien plaza ondotik.
Joxe Mari Kortaren Bidetik Fundazioak amaiera eman dio bere ibilbideari, enpresaburua hil eta 25 urtera
Gaur 25 urte bete dira ETAk Joxe Mari Korta enpresari zumaiarra hil zuenetik. Haren familiak eta lagunek omenaldi xume bat egingo diote Arroako hilerrian. Urteurren borobil honekin bat eginez, bukatutzat emango da berak ordezkatzen zituen balioetatik abiatuta sortutako fundazioaren lana.
Bidarten chikungunya bigarren kasu autoktonoa antzeman dute, tigre-eltxoek transmititzen duten gaixotasuna
Ipar Euskal Herriko autoritateek herria fumigatuko dute larunbat goizaldean, abuztuaren 9an, 03:00etan.
Gizon bat atxilotu dute Bilbon, Atxuri auzoko eraikin bateko fatxadari su emateagatik
Suak ez du inor zauritu. Sutea telefono mugikor batekin grabatzen topatu dute inguru horretan atxilotutako gizona.
Aner Uriarte Bilboko epaile dekanoak ukatu egin du euskararen aurkako epailerik dagoenik: "Asmakeria bat da"
Lan-eskaintza publiko batzuetan euskararen ezagutzaren inguruan ezarritako baldintzak aldatu dituzten azken epaiei dagokienez, Aner Uriarte Bilboko epaile dekanoak ukatu egin du justizia-administrazioan euskararen aurkako jarrera "hitzartua" egotea.