Telelana egin ezin duten familiek lehentasuna izango dute haur eskoletan
Telelana egiteko aukerarik ez duten gurasoek lehentasuna izango dute haurrak haur eskoletan uzteko; izan ere, ekainaren 22an irekiko dituzte ateak, % 30eko edukierarekin, Cristina Uriarte Hezkuntza sailburuaren arabera.
Gobernu Kontseiluaren osteko prentsaurrekoan jakinarazi duenez, Haurreskolak Partzuergoa prebentzio-plana prestatzen ari da COVID-19aren aurrean, ekainaren 22tik aurrera umeak berriz hartzeko aurreikuspenarekin.
Helburua da konfinamenduaren ostean lanera itzultzen ari diren familiei lana eta familia bateragarri egiten laguntzea, eta seme-alabentzako tokia guztiek eskatu ahalko duten arren, "desiragarria litzateke lehentasuna ematea kontziliazio handiagoa behar dutenei", hau da, telelana egiteko aukerarik ez dutenei eta beren lanpostuetara joan behar dutenei.
Datorren ikasturtearen diseinuaz ere hitz egin du Uriartek, hiru agertoki aurreikusten baititu: ikastaro guztietako ikasle guztiak aurrez aurreko prestakuntzara itzultzea, eskola presentzialak eta telematikoak konbinatzea eta, konfinamendu berri baten kasuan, Internet bidezko prestakuntza soilik.
Sailburuak espero du pandemiaren bilakaerak aukera emango duela ikasturtea normaltasunez hasteko, baina kutsadurak prebenitzeko neurriak hartuta, segurtasuneko tartea kasu. Ildo horretan, uste du garrantzitsuagoa dela mahaien arteko distantzia bermatzea, gela bakoitzeko gehienezko ikasle kopurua finkatzea baino.
Hezkuntza Sailaren nahia lehen agertokitik ez ateratzea da, baina "prest" egon behar da, neurri murriztaileak hartzera behartzen duen agerraldi bati aurre egiteko. "Eman behar bada, ez gaitzala aurrekoan bezala harrapatu, prestatuago baizik", azaldu du.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.