Iruñeko Peñek ez dute arriskutsuak izan litezkeen jardueren alde egingo
Iruñeko peñek ez dute jende-pilaketak sortzeko arriskua izango luketen ekintzen alde egingo edo jarduera berririk antolatuko.
Iruñeko Peñen Federazioko presidenteak, Imanol Azkonak, eta Federazioko Talde Feministako arduradunak, Lorea Irisarrik, gaur emandako prentsaurrekoan azaldu dute peñek ez dutela pankartekin desfilerik egingo, ez dituzte txarangekin irteerak antolatuko eta ez dituzte beraien egoitzak modu publikoan irekiko uztailaren 6tik 14ra bitartean.
Federazioak ostiralean argitaratu duen oharrean, Iruñeko peñek baieztatzen dute “bizi izan dugun egoera ohiz-kanpokoa izateaz gain, nahiko gogora izan dela orain edozein erabaki lasai, soseguz eta arduraz hartzeko, eta ez presa eta antsietatearekin”.
Peñek, horrenbestez, beraien bazkideei, eta hiritarrei oro har, “arduraz, kontuz eta ezarritako segurtasun eta osasun neurriez jokatzeko” deialdia egin die “birusaren zabalkundea eta berragertzeak” saihestu ahal izateko.
Iruñeako peñek osasungintzako langileek pandemian zehar egindako lana txalotu dute, baina baita auzoko merkatari eta gainerako langileek ere egin dutena, haiei esker “2021eko San Fermin jaiak oraindik eta indar handiagoarekin ospatu ahal izango baititugu”.
Azkonak prentsaurrekoan baieztatu du aurten peñek ezingo dituztela ez “harro erakutsi ez dantza egin” urteroko pankarta tradizionalekin Iruñeko kaleetan barrena. Hala ere, Baluarteko erakusketa batean egongo dira ikusgai pankarta horiek datorren astelehenetik uztailaren 23ra arte.
Tabernari batzuk uztailaren 6 eta 7an ez irekitzeko hartu duten erabakiaren harira, Azkonak “oso erabaki ausarta eta arduratsua” dela adierazi du, baina era berean garbi azpimarratu du ezin direla “kriminalizatu” irekitzea erabakitzen duten tabernak.
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.