Eusko Jaurlaritzak bainurako guneak ezarri ditu Bermeoko portuan
Portuen Zuzendaritzaren ebazpen baten bitartez, datozen hiru urteetan, udako denboraldian —ekainaren 15etik irailaren 30era—, Bermeoko portuan bainurako guneak finkatu ditu Eusko Jaurlaritzak.
Bermeoko Udalak portuan bainua hartzeko guneak edo esparruak mugatzeko eskatu zuen, eta hauek ezarri ditu Jaurlaritzak:
-Lehorrean, 600 m2, Martillo kaian
-Uretan, 2.377 m2, Martillo kaiaren ondoan
Bainurako gune horien kudeaketa eta kontrola Bermeoko Udalaren esku geratuko da. Bertan, edukierari, osasun-neurriei, segurtasun-tarteei edo portuko gunea dela kontuan hartuz horrek dituen arriskuez ohartarazteko informazioa emango duten seinaleak jarri beharko ditu Udalak.
Erabiltzaileei uraren kalitateari eta ordutegiei buruzko informazioa emango die, eta uretan xaboia edo produktu kimikoak erabiltzea edo bertara isurtzea debekatuta dagoela ere jakinaraziko die. Bainua hartzeko lekuetan, kortxo-ilara bat ipiniko dute eremua mugatzeko. Hala, ontziek, tarteka, kaiaren ondoan dagoen pantalana erabili ahalko dute.
Gainera, Bermeoko Udalak bere gain hartuko du gune horren kudeaketa, kontrola eta erantzukizuna, segurtasuna, garbiketa, higiene- eta osasun-neurriak eta abar bermatzeko behar diren langileak jarrita. Bertako gorabeherak Bermeoko Udaltzaingoak kudeatuko ditu.
Zure interesekoa izan daiteke
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Garraio publikoa erabiltzea gomendatu du Donostiako Udalak.
Albiste izango dira: San Juan baleontziaren uretaratzea, Euskadiko anguleroen egoera eta kontrol saioa Eusko Legebiltzarrean
Gaurkoan Orain-en albiste izango direnen laburpena, bi hitzetan.
Osakidetzak Casillako txertaketa-zentroa itxiko du gaur, Bizkaian gripeak gora egiteari utzi baitio
Kutsatzeen kurba egonkortu da txertaketa-ahaleginari eta immunizazio-maila altuari esker. 447.000 pertsona baino gehiagok hartu dute txertoa azken asteetan EAEn, eta horri esker Bilboko txertodromoa itxi ahal izango da, aurreikusita zegoen bezala.
Bilketa Nagusian ezinbestekoak diren 5 elikagaiak, eta eman zenitzakeenik ez zenekien beste batzuk
Elikagaien Bilketa Nagusia azaroaren 7an eta 8an izango da “Kilo bat enpatia” lelopean. Ekimen horretan, donazio guztiek garrantzi handia dute, eta elikagai jakin batzuk urriak dira.
San Juan baleontzia uretaratuko dute ostiral honetan Pasaian, kroskoa eraikitzeko lanak amaituta
Duela hamarkada bat baino gehiago hasitako proiektua, XVI. mendean Kanadan hondoratutako euskal baleontziaren erreplika fidela da. Jarraitu zuzenean, 15.30etik aurrera, uretaratzea orain.eus-en.
San Juan baleontzia: Atlantikoko uretan berpiztu zen euskal altxorra
XVI. mendean Pasaian eraikitzen ziren ontzi ugarietako bat da San Juan itsasontzia. 1565eko udaberrian, Kanadako kostaldearen aurrean hondoratu zen, eta itsaspean egon zen 400 urtez baino gehiagoz. 1978an ontzia aurkitu zuten, eta, harrezkero, euskal merkataritzari eta itsas ondareari buruzko historiaren adierazgarria da. 10 urteko lanen ostean, Pasaiako Albaola ontziolak baleontzi mitikoaren erreplika uretaratuko du gaur arratsaldean.
Itsasadarrak gainezka egin du Zorrotzaurren, marea biziak direla eta
Bilboko itsasadarrak gainezka egin du berriro ere ostegun honetan Zorrotzaurreko zenbait tokitan, marea biziak direla eta. Euskalmeten abisu horiak, itsasaldeko arriskuagatik, larunbatera arte iraungo du.
Forondak Madrilekin eta Bartzelonarekin lotzen dituen hegaldiak estreinatu ditu
Astean lau izango dira Gasteiz eta bi hirien artean, baina aldi baterako astean bi izango dira urtarrilean.
Euskaltzaletasunaren giharra indartu, euskararen pizkunde berri bat abiarazteko
“Euskaltzaleon garaia da” izenburuko adierazpena aurkezteko agerraldia egin du Euskalgintzaren Kontseiluak, Arantzazuko Santutegian. Euskararen pizkunde berri baterako abiapuntua jarri nahi da, eta horretarako, abenduaren 27an Bilbao Arena milaka euskaltzalez betetzeko deia egin dute berriro.
Gripe kasuen kopurua "murrizten" ari da Bizkaian, txertaketari esker
Azken datuen arabera, 417.744 pertsonak jarri dute arnas-gaixotasun horren aurkako txertoa EAEn, iaz baino % 11 gehiago.