COVID-19 positiboek ezin dutela botorik eman berretsi dute hauteskunde batzordeek
Eusko Jaurlaritzak koronabirus proban positibo eman dutenei botoa emateko eskubidea kentzeko erabakiak zalantza juridikoak eragin ditu adituen artean baina EAEko Hauteskunde Batzordeak Jaurlaritzaren ekinbidea babestu du berriz ere, atzo EH Bilduk jarritako errekurtsoari erantzunez.
Era berean, Hauteskunde Batzorde Nagusiak Eusko Jaurlaritzaren neurriak babestu ditu larunbat honetan, koronabirusa “zabaltzea saihesteko”. Batzordearen ahotan, herritarren “bizitza eskubidea babestu” beharra dago.
Botoa emateko eskubidea bermatzeko "berehalako neurriak" hartzeko eskatu zion EH Bilduk Euskadiko Hauteskunde Batzordeari, "inor ez dadila gelditu bozkatzeko aukerarik gabe", baina gaur goizean egindako bileran, Hauteskunde Batzordeak ebatzi du Administrazioak hartutako neurriek bihar "botoa emateko baldintza egokiak" bermatzen dituztela, "behar bezala justifikatutako osasun arrazoiengatik salbuetsi den populazio segmentu murritzarena izan ezik".
Euskal Hauteskunde Batzordeak uztailaren 9an hartutako erabakia berretsi du beraz, Hauteskunde Batzorde Zentralaren jarraibideetan oinarrituta, argudiatu dutenez.
Eusko Jaurlaritzaren debekuak 200 pertsonari eragiten die EAEn eta erabakia hartzeko "osasun arriskua" argudiatu du Urkulluren Gobernuak.
Hainbat legelarik ohartarazi dutenez, ordea, eskubide batzuk urratu ditzake debekuak eta juridikoki, hauteskundeen inpugnaziorako bidea ere egon liteke.
Euskadi Irratian egindako elkarrizketan, Jose Ramon Bengoetxea Zuzenbidean doktoreak eta EHUko irakasleak garbi esan du boto eskubidea "eskubide absolutua" dela eta Eusko Jaurlaritzak ez duela eskubide hori "murrizteko eskumenik". "Positibo eman dutenek botoa eman nahi badute, sistema bat bilatu beharko litzateke. Botoa emateko aukera ahalbidetu egin behar zaie. Postarako aukera itxita dute, eta beste bide batzuk aurkitu beharko lirateke", esan du.
Hego Korean eta Frantzian egin berri diren hauteskundeak jarri ditu adibidetzat. Bi herrialde horietan koronabirus probetan positibo eman duten herritarrei botoa emateko baliabideak eskura jarri zaizkiela nabarmendu du.
Elkarrekin Podemos-IUk helegitea jarri dio Euskal Hauteskunde Batzordearen erabakiari Hauteskunde Batzorde Zentralean
Gaur goizean bertan, Elkarrekin Podemos-IUk helegitea jarri dio Euskadiko Hauteskunde Batzordearen akordioari, eta "salbuespenezko egoera honetan salbuespeneko konponbideak behar direla" argudiatu du. Hala, "botoa emateko eskubidea duten pertsona guztiek, osasun-segurtasuneko baldintzetan, politikan parte hartzeko duten oinarrizko eskubidea bermatzeko behar diren neurriak" hartzeko eskatu du.
Euskadiko Hauteskunde Batzordearen erabakiak "zuzenbidearekin bat ez datozela" deklaratzeko eskatu dio Elkarrekin Podemosek Hauteskunde Batzorde Zentralari.
Elkarrekin Podemos-IUren ustez, "argi dago" Osasun Sailaren irizpideak "gidalerro administratibo soil bat" baino ez direla, eta inola ere ez "herritarren oinarrizko eskubideen funtsezko arkitektura desmuntatzeko nahikoa elementu".
Koalizio moreak uste du beharrezkoa dela "Ordiziako zein isolamenduan dauden herritarrak dituzten gainerako udalerrietako hauteskunde-mahaietan Eusko Legebiltzarrerako hauteskundeak etetea edo atzeratzea, baldin eta horiei botoa emateko eskubidea bermatzen ez bazaie".
Gaurko ebazpenean, uztailaren 9an hartutako erabakia berretsi du Hauteskunde Batzorde Nagusiak. Orduan Eusko Jaurlaritzaren neurriei oniritzia eman zien erakundeak. Behin betiko ez bada ere, helegitea ebatzi arte, Euskal Autonomia Erkidegoko administrazioak hartutako neurrien “azken helburua pertsonei boto eskubidearen ariketa mugatzea denik” esateko daturik ez dagoela uste du Batzordeak.
Batzordearen esanetan, neurriek “arrazoiz, neurriz eta egoki oinarrizko beste eskubide bat babesteko xedea dute, pertsonen osotasun fisiko eta bizitza eskubidea, alegia”. Espainiako Konstituzioaren 15. artikuluak jasotzen du. “Eskubidea ordena politikoaren eta bake sozialaren oinarri da”, 10.1 artikuluaren arabera.
Gainera, “arreta bereziarekin” boto eskubidea bermatzeko beharrezko neurriak mantentzea eskatu dio Batzordeak Jaurlaritzari, baina herritarren “osasuna babestuz”.
Zure interesekoa izan daiteke
Basauri BEA futbol taldearen hurrengo hiru partidetara ez du epailerik bidaliko Bizkaiko Arbitroen Batzordeak
Epailerik gabe, beraz, partida ezingo da jokatu. 16 urteko arbitro emakume bat iraintzeagatik eta mehatxatzeagatik ezarri diote zigorra futbol taldeari.
Corellako 14 urteko adingabe bat saldu eta ezkontzera behartu zuten pertsonak epaituko dituzte
Kasua ikertu duen epailearen ustez, gertakariak gizakien salerosketaren delitu izan daitezke. Autoaren arabera, gaztea ezkontzera behartu zuten "5.000 euro, bost whisky botila eta janariaren truke" eta, ondoren, Kataluniako hainbat udalerritan eskean aritzera behartu zuten.
24. Korrikaren amaiera: festa erraldoia Bilbon, igandean
Martxoaren 29an Bilboko udaletxean amaituko da 24. Korrika, "Euskara gara" lelopean, eta egun osoan zehar jarduera desberdinez osatutako egitarau zabala izango da.
Euskal hiztunen "eguneroko errealitatearen lagin txiki bat": 883 urraketa, 2025ean
Hizkuntza Eskubideen egoerari buruzko txostena aurkeztu du Behatokiak. Ondorio nagusia da "araugintzan errotiko aldaketak" egin ezean, "atzerapausoak emateko arriskua gero eta nabarmenagoa" dela. Azaldu dutenez, zenbait lanpostu publikotan euskararen ezagutza ez izateak sistema osoaren euskaraz funtzionatzeko gaitasuna oztopatzen du.
Eusko Jaurlaritzak Trans Memoriaren Eguna izendatu du azaroaren 20a
Dekretua elkarte eta erakunde sozialekin lankidetzan egin da, besteak beste, Naizen, Errespetuz eta Loratuz Lotu elkarteekin. Besteak beste, aukeratutako dataren proposamenean eta adostasunean parte hartu dute.
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" egiten zizkien gizonak, eta epaiketan entzundakoaren aurka, ziurtartatu duenez, gizona bera zen gerturatzen zitzaiena eta "lekuz kanpoko iruzkinak" egiten zizkiena. Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarria" eta "lotsagabea" zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, jaurtigaia nork bota zuen egiaztatu ezin duelako
Donostiako epaileak behin-behinean artxibatu du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia zela bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.