Nafarroak 118 adingabe migratzaile gehiago hartu beharko ditu, eta EAEk ez du bat bera ere jaso beharko
Gazteria eta Haurtzaro Ministerioak Kanariar Uharteetara iritsi diren eta inoren kargura ez dauden adingabeak banatzeko taulak aurkeztu ditu gaur. Kataluniak ere ez du bat bera ere hartu beharko, Euskal Autonomia Erkidegoak bezala orain arte egin duen aldez aurreko harrera-ahaleginagatik.
Pertsona migratzaileak, Kanariar Uharteetako hondartzetan, turisten ondoan. Artxiboko argazkia: EFE
Gazteria eta Haurtzaro Ministerioak Kanariar Uharteetara iritsi diren eta inoren kargura ez dauden adingabeak banatzeko taulak aurkeztu ditu gaur. Horien arabera, Euskal Autonomia Erkidegoa (EAE) ez dago behartuta adingaberik jasotzera, ezta Katalunia ere, orain arte egin duten ahaleginagatik. Nafarroak, ordea, 118 adingabe gehiago hartu beharko ditu.
EAEk 731 adingabe hartzeko gaitasuna du, baina egun 1.778 ditu.
Kataluniak iragarri du, gutxienez, aurreko kanpainetako kopuru berari (31) erantzuteko asmoa duela. Espainiako ¡Gobernuak aurreikusitako lekualdatze guztiak burutu ondoren ere, Katalunia izango da bere sisteman gazte gehien dituen erkidegoa, eta alde handiarekin.
Nerea Melgosa Ongizate, Gazteria eta Erronka Demografikoko sailburua pozik agertu da Ministerioak kontuan hartu duelako Euskal Autonomia Erkidegoak adingabe migratzaileak hartzeko "aldez aurretik egindako ahalegin etengabea": "Orain beste erkidego batzuek egin behar dute", erantsi du.
Horrela, Espainiako Gobernuak Kanarietatik 3.000 adingabe migratzaile beste lurralde batzuetara lekualdatzeko asmoa du, gehienak Andaluziara, Madrilera eta Valentziara, Gazteria eta Haurtzaro Ministerioko iturriek baieztatu dutenez.
Guztira, Espainiako Gobernuak artxipelagotik 3.975 adingabe eramateko asmoa du; baina, aurreikuspenen arabera, 850 inguru kendu beharko zaizkie, Estatuko harrera sareak hartuko baititu, asilo-eskatzaileak direlako, Auzitegi Gorenak emandako aginduarekin bat etorriz.
Honenbestez, datu horien arabera, Andaluzia (677 gazte), Madril (647) eta Valentzia (571) izango lirateke uharteetatik gazte gehien hartuko lituzketen erkidegoak.
100 milioi euroko funtsa
Espainiako Gobernuaren egitasmoak martxoaren 18an onartutako errege lege-dekretuak aurreikusten zuen 100 milioi euroko funtsaren banaketa jasotzen du, atzerritarrei buruzko legearen 35. artikulua erreformatzeko eta mekanismo hau sortzeko.
Lekualdaketa guztiak Ministerioak ordainduko ditu, eta Estatuak ordainduko ditu gazte guztien harrera gastuak, gutxienez, lehenengo hiru hilabeteetan.
Gainera, Ministerioak Aragoi, Balear Uharteak, Kanariar Uharteak, Kantabria, Errioxa, Ceuta, Melilla, Nafarroa eta Madrili kalte-ordaina emango die gain-okupazioagatik.
Datu horien arabera, Kanariar Uharteak izango lirateke baliabide gehien jasoko lituzkeenak, 24 milioi euro baino gehiago, eta, ondoren, Madril (15 milioi baino gehiago) eta Andaluzia (8 milioi baino gehiago). Nafarroak, berriz, 3 milioi euro baino gehiagoko ekarpena izango du.
Gazteria eta Haurtzaro Ministerioak Batzar Sektoriala deitu du datorren astearterako, uztailak 8a, 16:00etan. Bertan, datorren Konferentzia Sektorialaren gai-zerrenda aztertuko da.
Zure interesekoa izan daiteke
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bana ireki dute noranzko bakoitzean eta auto-ilarak erabat desegin dira. Hala ere, ezkerreko erreia itxita dago bi noranzkoetan, garbiketa lanak direla eta. Ezbeharra izan duen zisterna-kamioia kentzeko lanetan ari dira.
"Esperientzia eta konpromiso handiko" foruzainak: Hala deskribatzen dituzte Elgoibarko istripuko bost hildakoak
Fermin Sola, Jesus Maria Vidaurreta, Miguel Crespo, Juan Martin Dominguez eta Miguel Antonio D'Entremont Iurretara zihoazen, Ertzaintzarekin prestakuntza ikastaro bat egitera.
Lau pertsona artatu dituzte Gasteizko zabortegi batean izandako sutearen kea arnasteagatik
Sua asteazken honetako 17:00ak aldera piztu da, eta ez dago sugarrak baso-eremura zabaltzeko arriskurik.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina arratsaldean zehar kamioia erretiratu arte, beste errepide batzuetatik bideratuko dute trafikoa.
Epaimahaiak errudun jo ditu Lukas Agirre hiltzeaz akusatutako bi gizonak
Hala ere, aringarria ezarri dio akusatu nagusiari drogak kontsumitzeagatik. Bigarren akusatuaren kasuan, erantzukizun penalaren aldaketa bikoitza erabaki du buruko nahasmendu bikoitzagatik eta estupefazienteak kontsumitzeagatik. Epaitutako hirugarren akusatua ere erruduntzat jo dute, beste biak estaltzeagatik.
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernuak adierazpen instituzionala onartu du, hildako bost agenteen heriotzagatik samina agertzeko
"Herritarrak babesten eta zaintzen aritu diren bost zerbitzari publiko galdu ditugu. Gure aintzatespena, errespetua eta esker ona haientzat, erakutsi duten konpromisoagatik eta zerbitzurako bokazioagatik", dio testuak.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".