Easo kalea ireki eta San Martin kalea itxi dute Donostiako Metroko obrengatik
Donostiako Easo kalea ireki dute jada, urte eta erdi itxita egon ostean. Hain zuzen, metroaren saihesbidea Mirakontxa-Easo tartean eraikitzeko lanen ondorioz egon da itxita orain arte, Euskal Trenbide Sareak (ETS) eta Donostiako Udalak jakinarazi dutenez.
Hala, Easo kalea irekita, bi errei zabaldu dituzte ibilgailuentzat, San Martzial kaleraino; hor, bideetako bat estutu dute, eta errei bakarra dago zabalik trafikoarentzat.
Era berean, San Martin kalea guztiz itxi dute Urbieta eta Hondarribia arteko tartean. Easo kalea irekitzeak hiriaren erdigunean pilaketak sortzea ekidin eta, neurri batean, San Martinen itxitura arinduko du.
Norbanakoen ibilgailuei dagokienez, hiriaren ekialderanzko ibilbidea (Gros, Egia) azken hilabeteetan bezala egingo da: Urbieta eta Parkea kaleetatik barrena, Gernikako Arbola pasealekutik.
Easo guneko aparkalekuak
Easo kaleko zirkulazioa irekitzearekin batera, Cervantes plazako aparkalekura eta inguruko gainerako aparkalekuetara sartu ahalko dira bai udal aparkalekuetako erabiltzaileak baita txandakako aparkalekua bilatzen dutenak ere.
Hala ere, "garraio publikoaren funtzionamendu egokia bermatzeko beharraren ondorioz", Easo kaleko trafikoa kontrolatuko da. Auto-pilaketak sortuz gero, txandakako aparkalekuaren bila dabiltzanei sarbidea ukatuko zaie; egoiliarrek, ordea, sartzeko aukera izango dute une oro.
Mozketa une puntual horietan aparkalekuetara sartu ahal izateko, erabiltzaileek tarte mugatuan zirkulatzeko baimenaren bereizgarria eskatu ahalko dute. Cervantes eta San Martin udal aparkalekuetako erabiltzaileek, ostera, aparkaleku berean eskatu ahal izango dute bereizgarria. San Martzial kaleko 50eko eta Easo kaleko 5eko aparkaleku pribatuen jabeak eta plazak alokatuak dituztenak, berriz, Udaleko Mugikortasun Departamentuari eskatu beharko diote, plazaren jabetza justifikatuz.
Gainera, Easo kaleko zamalanetarako, aurreko erreserba berreskuratuko da, San Martin eta Arrasate kaleen artean, eta San Martin kalean motorrentzako beste erreserba bat sortuko da.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.