Osakidetzako LPEaren ikerketan beste inputatu bat eta 24 lekuko gehiago deitu dituzte
Osakidetzako EPEa aztertzen ari den Gasteizko 2 zenbakiko epaitegiak Neurokirurgia espezialitatearen epaimahaiko presidentea inputatzea erabaki du. Halaber, LABek eskatu bezala, 24 pertsona gehiagori lekuko modura deklarazioa hartzea erabaki du.
Sindikatu horren arabera, azterketak egin aurretik mediku-espezialitateetako plazak esleitzeko “bezero” sistema bat jarraitzen du Osakidetzak. Gainera, behin filtrazioak aurkitu ostean, horiek ezkutatzea eta ikerketa zailtzea ere leporatzen dio Euskal Osasun Zerbitzuari.
Auzia zuzentzen duen magistratuak, Ana Jesus Zuluetak, ez du alde batera utzi etorkizun batean EPEen irregulartasunak gertatu zirenean Osakidetzako zuzendaritzan lan egiten zuten pertsonak inputatzeko aukera. Auto baten bidez, epaileak Neurokirurgiako epaimahaiko presidente izan zena inputatzea erabaki du lehenengo, proba horretan “azterketa egiten ari zirenen anonimotasuna hautsi baitzen”.
24 lekukori deitzeaz gain, Zuluetak LABek egindako estatistiken arduraduna ere deitu du, hari esker jakin baitzuten Anestesia espezialitatean ez ezik beste 18tan ere izan zirela irregulartasunak.
Hala, Anestesia, Angiologia eta Traumatologia espezialitateetako sei oposiziogile; Digestio Aparatuko, Kirurgia Plastikoko eta Mikrobiologiako probetan irregulartasunak salatu zituzten hiru pertsona, Angiologiako epaimahaiko zazpi kide, Traumatologiako hiru, Kirurgia Plastikoko bi eta Urologiako bat deitu ditu epaileak.
Orain arte, 13 azterketa prozesu utzi dira bertan behera: Neurofisiologia, Neurokirurgia, Anestesia, Angiologia, Digestioa, Kardiologia, Traumatologia, Kirurgia Plastikoa, Urologia, Medikuntza Intentsiboa, Larrialdiak, Mikrobiologia eta Kirurgia Kardiobaskularra.
Auzia sindikatuen salaketen ondorioz hasi zen, eta EAEko Fiskaltza Nagusiak EPE azterketetako 19 mediku-espezialitatetan irregulartasunak egon ziren ikertzeko eginbideak ireki zituen.
Horren aurrean, hainbat pertsonak dimisioa eman zuten; besteak beste, hauek: Jon Darpon, Osasun kontseilaria; Maria Jesus Mugica, Osakidetzako zuzendaria; Juan Carlos Soto, Osakidetzako Giza Baliabideen zuzendaria; eta Xabier Balerdi, Osakidetzako Giza Baliabideen zuzendariordea.
Fiskalaren ustez, Osakidetzako hiru nagusiek delituak egin zituzten, eta dagoeneko epaitu dituzte. Halaber, beste hiru kargudun deklaratzera deitzea erabaki zuen: Juan Carlos Soto, Xabier Balerdi eta Andoni Arcelay.
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.