Gipuzkoako zaharren egoitzetan berriro hasiko dira irteerak, asteartetik aurrera
Gipuzkoako zaharren egoitzetako erabiltzaileak asteartetik aurrera irten ahalko dira kalera ibilaldiak egitera "prebentzio eta higiene neurri guztiak muturrera eramanez eta jende askoko edo itxitako guneak ekiditen".
Gizarte Politiketako Sailak, uztailaren 18an, kasuen gorakada ikusita, egoiliarrak kalera irtetea debekatu zuen. Departamentuak ohar batean jakitera eman duenez, Eusko Jaurlaritzako Osasun Kontseiluarekin hitz egin ondoren, adierazi du egoiliarrei kalera irteteko baimena ematen diela.
Hortaz, asteartetik aurrera, Gipuzkoako zaharren egoitzetako erabiltzaileak kalera irten ahalko dira, betiere bete beharreko neurri zehatzekin: ibilaldiek ezingo dute ordu eta erdi baino gehiago iraun eta erabiltzaileek FFP2 motako maskarak erabili beharko dituzte; gainera, gune irekietan eta bizitokia duten egoitzatik gertu egon beharko dira uneoro.
Ibilaldiek, batez ere izaera terapeutikoa izango dute, adindunek profesionalen edo gertuko familiako kideen laguntzan egin ahalko dituzte txangoak, beti ere "prebentzio eta higiene neurriak betez" eta "jende askoko eta itxitako guneak" ekidinez, adierazi du Gizarte Politiketako Sailak.
Kanpora irten aurretik, egoitzak berak ezarritako ordutegietan beti, laguntzaileen erregistroa egingo da, zeinak familiako kidea egoitza kanpoan hartuko duten, bertara sartu gabe. Gainera, dokumentu bat sinatu beharko dute neurri guztiak beteko dituzten konpromisoa hartuz.
Egoitzara itzultzerakoan tenperatura hartuko zaie egoiliarrei, eskuak eta oinetakoak garbituko zaizkie eta gurpildun aulkien, makuluen eta tankera horretako elementuen higienea muturreraino eramango da.
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.