Cristina Uriarte: "Kosta egiten zait greba deialdia onartzea"
Ikasturtea hasteko 3 egun falta direnean, Cristina Uriarte jarduneko Hezkuntza sailburuak Hezkuntzako sindikatuen greba deialdia deitoratu du, "inoiz ez bezalako egoera batean, guztiok lagundu behar baitugu".
Radio Euskadiko "Boulevard" saioan egindako elkarrizketan, sailburuak esan du "ikasturtearen hasiera garaiz" egin zutela ekainean eta uztailean, eta, beraz, uste du ikastetxeek protokoloak "prestatzen joateko nahikoa denbora" izan dutela.
Horren harira, Cristina Uriartek esan du garai hartan ezin zela jakin birusak zer bilakaera izango zuen, eta sindikatuek "egoera ulertu eta bideratzea" espero duela, informazio guztia emateko izango dituzten bileretan.
Ikasgeletako segurtasuna
Hezkuntza sailburuaren esanetan, Saila lanean ari da ikasturtearen hasiera segurua izan dadin, baina ohartarazi duenez, "horrek ez du esan nahi birusa ikastetxeetan sartzen ez denik".
Hori dela eta, seme-alabak eskolara eraman nahi ez dituzten gurasoak egotea uler dezakeela esan du, "beldurra norbanakoaren kontua delako", baina "kafetegi batera edo familia bilera batera joanez gero, birusa ere har daiteke", gaineratu du.
Absentismoa
Sailburuak berretsi duenez, "gurasoek jakin behar dute hezkuntza betebeharra dela", eta, beraz, arreta berezia jarriko dela absentismo-egoerak saihesteko.
"Ikuskaritzak jarraibideak eman ditu ikasleak ikasgeletara joateko", zehaztu du. Gainera, koronabirusak sortutako egoera dela eta, mila irakasle kontratatuko dituztela iragarri du.
Cristina Uriarteren arabera, "irizpideekin egingo da, ikastetxe bakoitzaren beharren, azpiegituren eta abarren arabera", nahiz eta, sailburuak esan duenez, 24.000 irakasle dauden nominan hezkuntza publikoan, eta hori "Estatu osoko ratiorik onena da".
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.