Banketxeen izena erabiliz SMS bidezko iruzurrak egiten ari direla ohartarazi dute
Nafarroako Guardia Zibilak SMS bidezko kanpaina berri batez ohartarazi du; banketxe ezberdinen izena erabiliz iruzur egiten dute gaizkileek.
Erabiltzaileak engainatzeko asmoz, mezu baten bidez banketxearen aldizkako berrikuspen bat egingo dela eta kontua aldi baterako blokeatua izan dela ohartarazten zaio. Gainera, testuarekin batera doan helbidean klik egiteko eskatzen zaio erabiltzaileari, baina, esteka horrek webgune faltsu batera bideratzen du. Esteka faltsu horretatik biktimari informazio pertsonala eskatzen zaio, hala nola bere NANa, telefono mugikorraren zenbakia edo bankura sartzeko erabili ohi dituen gakoak.
"Pishing" izenez ezagutzen dira gisa honetako iruzurrak. Zibergaizkileek informazio pertsonala edo banketxeko gakoak lortzeko gehien erabiltzen duten bidea da.
Zer egin behar da?
Era horretako SMSak jasoz gero, kreditu-txartelaren atzeko aldean agertzen den banketxearen bulegora deitu behar da, edo zuzen harremanetarako zenbakira deitzeko eskatu du Guardia Zibilak. Ez da inoiz SMSn agertzen den telefonora deitu behar, ezta esteka sakatu ere.
Ez fidatu mezu alarmistekin. Normalean, horrelako mezuek testu deigarriak izaten dituzte edo ekintza premiazkoren bat egiteko eskatzen dute. Hona hemen adibide batzuk: "Segurtasun-mezu berri bat duzu"; "Mugimendu susmagarriak detektatu dira": "Kontu ez-aktiboak ezabatzea"; "Jakinarazpen bat jaso duzu"; "Pakete bat duzu zain", etab.
Guardia Zibilak herritarrei gogorarazi die banketxeek ez dituztela horrelako metodoak erabiltzen datu pertsonalak eta are gutxiago pasahitzak eguneratzeko.
Nola konpondu iruzur egin badigute?
Bankuko datuak eman badira (txartel-zenbakia, PINa, CVVa, koordenatu-txartela, etab.), lehenik eta behin bankuarekin harremanetan jarri eta gertatutakoa azaldu behar da, dagozkion neurriak har ditzaten eta phishing-aren balizko ondorioak ahalik eta gehien arindu ditzaten. Bankuari jakinarazi ondoren, iruzur horren edo beste baten biktima izan bazara, salaketa bat jarri behar da Guardia Zibilaren Herritarren Arretarako edozein bulegotan.
Zure interesekoa izan daiteke
ELAk berretsi du CCOOko kide batzuek euskaldunen kontrako hitzkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.