Illak ez daki seguru britainiar aldaera Espainiako Estatura iritsi den

Txertaketari dagokionez, ministroak txertoa jarriko duela baieztatu du, eta Pedro Sanchez Espainiako Gobernuko presidenteak txertoa orain jarri behar duen edo ez aztertzen ari direla zehaztu du.

A. S. | EITB Media

2020/12/21 - 15:53

Azken eguneratzea

2020/12/21 - 15:53

Salvador Illa Osasun ministroak Europako koordinazioaren alde egin du Erresuma Batuko koronabirus aldaera berriaren inguruan erabakitzeko, eta ziurtatu du ez dagoela "frogarik" aldaera hori Espainiako Estatura iritsi ote den edo ez ziurtatzeko. Dena dela, argi du horrek ez duela esan nahi iritsi ez denik.

Telebista kate batean egindako elkarrizketa batean azaldu duenez, astelehen goizean bilera bat egingo dute Europa mailan erabaki bat hartzeko, Alemania, Frantzia, Herbehereak eta Italia bezalako herrialdeek Erresuma Batuarekiko hegaldiak bertan behera uztea erabaki ostean. Espainia Covid-19ko aldaera kopuruari dagokionez EBko bigarren herrialdea eta munduko bosgarren edo seigarrena dela ohartarazi du: "4.000 eta 5.000 aldaera artean sekuentziatu ditugu".

"Neurri horiek koordinatuak izatearen aldeko apostua egin dugu. Ona da Europa mailan erantzun koordinatu bat izatea ", esan du ministroak, eta Espainian sartzeko kontrolak indartzen ari direla eta txertoa koronabirusaren aldaerekin ere eraginkorra izango dela ziurtatu du.

Illak zehaztu duenez, asteburuan Alemaniako eta Britainia Handiko kideekin hitz egin du, baita Pedro Sanchez Espainiako Gobernuko presidentearekin ere, eta Gobernua zer egin aztertzen ari da. Gaineratu duenez, aldaera berri horrekin kutsakortasuna areagotu egin daiteke, baina oraindik ez dago zientifikoki frogatuta, "aukera bat da".

Azaroaren 23tik espainiar Estatura arrisku herrialdeetatik iristen diren pertsonek PCR bat egin behar dutela gogorarazi du ministroak, eta aireportuetako kontrol mekanismoak "indartu" direla eta arazorik ez dagoela azpimarratu du. Europa mailako bileran erabakitzen denari itxarotea eskatu du.

Txertaketa

Ministroak azaldu duenez, txertaketa sustatzeko kanpaina antolatzen ari dira. Berak txertoa hartuko duela esan du, eta Donald Trump AEBko presidentea ere txertatu izana baloratu du: "Oso ondo dago Trumpek egitea, zientziaren aurkakoa izan delako. Hemen Europan zientziaren aldekoak izan gara. Zuzendu beharreko jarrerak izan dituelako egin du ", gaineratu du.

Illak zehaztu duenez, Pedro Sanchez Espainiako Gobernuko presidenteak txertoa orain jarri behar duen aztertzen ari dira: "Egin beharrekoa egingo du. Gure kasuan, Europan, tokatzen denean jarri beharko dugu txertoa ", esan du ministroak, eta pertsona garrantzitsuek egingo dutela esan du.

Txertoaren immunitateak zenbat iraungo duen ez dakitela esan du, baina txerto mota horrek immunitate luzeak dituela aitort du, "ez 6 hilabetekoak edo urtebetekoak". Dena dela, 2022an dosi gehigarri bat beharko dela zehaztu du, baina litekeena da urtero txertoaren beharrik ez izatea, bere hitzetan.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.

Zure interesekoa izan daiteke

Kirola, musika eta lan gogorra: 110 urteko Isabel donostiarraren sekretua

Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.

Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"

Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformako bozeramaileak. Garaipena jaigiroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela hemen bukatzen eta ontziola Muruetatik ateratzea izango dela hurrengo erronka.

Gutxienez 8 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa

AP-8an, gutxienez zortzi kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.

ETB ON aurkeztu dute, EITBren telebista plataforma digital berria

ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.

Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute

Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.

Urdaibaiko Guggenheim museoa baztertu dute, proiektua iragarri eta 17 urtera

Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.

Guggenheim Urdaibai egitasmoa behin betiko baztertu du museoko Patronatuak

Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.

163 postuk eta hogei bat jarduerak girotuko dute Donostiako San Tomas azoka

Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.

Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian

Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.

Korrika egin, osasuntsu zahartzeko: Fernando eta Leopoldo, 81 eta 76 urterekin atxintxika egiten jarraitzen duten beteranoak

Fernandok 31 Behobia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik ongizate fisikoagatik, gaixotasunak prebenitzen eta sasoiz zahartzea atzeratzen ere laguntzen baitie.