Covid-19aren aldaera britainiarrarekin kutsatutako bederatzi pertsona daude Espainian
Fernando Simon Osasun Alerta eta Larrialdiak Koordinatzeko Zentroko zuzendariak astelehen honetan jakitera eman duenez, covid-19aren aldaera britainiarrarekin kutsatutako bederatzi kasu baieztatu dituzte orain arte Espainian, baina kasu gehiago ikertzen ari dira.
Simonen esanetan, "esperotakoa da" Espainian aldaera britainiarra duten kasuak egotea; Erresuma Batuan baitago horren jatorria, eta herritar askok joan-etorri ugari egiten dituzte Londresera.
Astelehen honetan azaldu duenez, kasuren bat infekziozkoa zen hegaldian, baina gehienek esan dute Erresuma Batutik heldu eta lauzpabost egunera hasi zituztela sintomak. Hortaz, jatorrian edo aireportuan koronabirusa zutela atzemateko aukera oso txikia zela azpimarratu du.
Ildo horretatik, Espainian diagnostikorako gaitasun nahikoa dagoela ziurtatu du. Bere hitzetan, protokolo bat ezarrita dago aldaeren sekuentziazioaren genotipoarekin lotutako informazioa zaintza-datuetan sartzeko.
Txertaketari buruzko zalantzak
Bestalde, Espainiako Gobernuak webgune berri bat jarri du martxan astelehen honetan, herritarrek txertoaren eta covid-19aren txertaketa-prozesuaren inguruan dituzten zalantzak "informazio ofizial eta eguneratuarekin" argitzeko.
Hain zuzen ere, vacunacovid.gob.es webgune berriak honako galdera hauei erantzuten die: "Noiz har dezaket txertoa? Txertoak ondoriorik al du? Zein dira txertatzearen onurak? Aukeratu al dezaket zein txerto jarri? Zein txerto izango ditugu eskuragarri Espainian?". Testuinguru horretan, txertaketa-kanpainak irauten duen bitartean, webgune horretako edukiak osatzen eta eguneratzen joango dira.
"Galderak eta erantzunak" atalaz gain, txertaketari buruz Espainiako eta nazioarteko erakundeek argitaratutako oharrak eta txostenak biltzeko atal bat ere badu. Informazio konplexuena azaltzen duten grafikoak ere baditu, hala nola txertoen funtzionamendua.
Espainiak 2.822 positibo zenbatu ditu azken orduetan
Bestalde, Espainiako Gobernuko Osasun Ministerioak 24.462 koronabirus kasu berri jakinarazi ditu joan den ostiraletik, Eguberri egunetik, eta horietako 2.822 positibo azken 24 orduetan atzeman dituzte. Hala, Espainian 1.879.413 pertsona kutsatu dira pandemia hasi zenetik.
Osasun Ministerioak gaur emandako datuen arabera, 298 pertsona gehiago hil dira azken orduetan koronabirusaren eraginez; beraz, 50.122 pertsona hil dira dagoeneko covid-19a Espainiara iritsi zenetik.
Gaur egun, 12.172 gaixo daude ospitaleratuta covid-19agatik Espainian, eta horietako 2.022 gaixo zainketa intentsiboetako unitateetan daude. Azken 24 orduetan, 1.135 ospitaleratze eta 491 alta izan dira.
Albiste gehiago gizartea
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.