115 urteko zigorra Dana Modelseko arduradunarentzat, emakumeak biluzik grabatzeagatik
Dana Models modelo agentzia zuzentzen zuen gizonari 115 urteko espetxe zigorra ezarri diote 129 emakume baimenik gabe grabatzearren. Bi aldeen arteko akordioa lortu dute gaur bertan abiatu duten epaiketan.
Fiskaltzak 406 urteko kartzela zigorra eskatu zuen harentzat 129 emakumeren (tartean, 13 eta 17 urteko bitarteko 48 adingabe) intimitatea urratzeagatik.
Esan bezala, Daniel L.O 36 urteko auzipetua eta haren biktimen abokatuak akordio batera iritsi dira gaurko saioan, eta horri esker zigorra murriztu diote auzipeatuari, bi zirkunstantzia aringarri bete direlako: auziaren atzerapena eta biktimei egindako kalteak aitortzea. Hala, eskatutako 115 urteetatik 5 soilik emango ditu espetxean, Kode Penalaren 76. artikulua betez.
Akordioan, gainera, modeloetako baten adina aldatu behar izan dute. Izan ere, 25 urte zituela jarri zuten hasiera bateko idatzian, baina 15 urte zituen grabazioak gertatu zirenean.
Bestalde, 3.000 euroko kalte ordaina eman beharko dio auzipetuak adingabeetako bakoitzari. Zazpi emakumeren kasuan, 4.000 eurokoa zango da indemnizazioa, delitu jarraitua egon zelako. Horrez gain, beste bi emakumek 3.000 euroko kalte ordaina jasoko dute askatasun sexualaren aurkako delituagatik.
Gertakariak
Akusazio idatzian fiskalak adierazi xuenez, 2013an, 2014an eta 2015eko otsailera arte, 36 urteko auzipetuak modeloen agentzia bat zuzendu zuen Iruñean. Han, hasiera batean, jantzita zeuden modeloei argazkiak egiten zizkien.
Aurrerago, baina, bainujantzia jartzeko eskatzen zien (modeloak zeuden gela uzten zuen berak orduan). Gela horretatik alde egiten bazuen ere, tripode baten gainean, kamera bat uzten zuen piztuta, arropaz aldatzen zirenean grabatzeko. Neskei ezer esan gabe eta haien baimenik gabe egin zituen grabazio guztiak.
Bainujantzia kendu eta berriro ere haien arropak janzterakoan, prozesu bera burutzen zuen auzipetuak. Modu horretan, 129 modelo gazteren argazkiak lortu zituen (horietako batzuk adingabeak ziren).
Modeloen agentzia eta auzipetuaren etxebizitzak miatu zituztenean, hainbat CD eta DVD aurkitu zituzten, baita disko gogor bat eta zenbait pendrive ere. Horietan modeloen argazkiak eta grabazioak zeuden. Dirudienez, irudi horiek ez zituen interneten edo beste pertsona batzuekin partekatu.
Biktima guztiek salaketa jarri zuten. Dena den, argazkilaria salatu ez duten beste hamahiru emakumeren argazkiak eta bideoak ere aurkitu zituzten.
Albiste gehiago gizartea
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.