Sagarduik esan du oraindik ez dakitela zein den Santutxuko agerraldiaren jatorria
Gotzone Sagardui Eusko Jaurlaritzako Osasun sailburuak adierazi duenez, bi baheketa egin dituzte Santutxuko eraikinean, eta oraindik ez dute agerraldiaren jatorria aurkitu; hori dela eta, otsailaren amaierara arte luzatuko dute haien zaintza.
Horrela, Sagarduik Bilboko Santutxu auzoko atariaren egoera izan du hizpide; izan ere, sei pertsona hil dira bertan, eta 30 inguruk positibo eman dute.
Osasun sailburuak azaldu duenez, eraikin horretan duela aste batzuetatik ari dira komunitatearekin lanean, eta agerraldia "gertutik" jarraitu dute, Bilboko Udalarekin eta erakunde sanitario integratuekin elkarlanean.
Gaineratu duenez, eraikin horretan kasu asko zeudela jakin zenetik, agerraldiari eusteko neurriak ezarri dituzte; besteak beste, egoiliarren artean bi baheketa egin zituzten, azkena otsailaren 1ean, eta positibo bakarra atzeman zuten.
Sagarduik adierazi duenez, agerraldiaren zaintza otsailaren amaierara arte luzatuko da, balizko eboluzio bat ikusteko. Gainera, Bizkaiko Epidemiologia unitatea beste kutsatze-eremu batzuetan izan daitezkeen kasuak ikertzen ari dela jakinarazi du, eta erabilera komuneko espazioak izan daitezkeen kasuetan hartzen diren neurriak gogorarazi ditu, hala nola higienea eta aireztapen sakona.
Sagarduik esan du oraindik ez dakitela zehazki zein den agerraldiaren jatorria, eta positibizatutako kasu guztien garapena jarraitzen ari direla, "non elkartu ahal izan diren ikusita". "Baina ezin da zehaztu espazio batean izan denik, ezta arrazoi batengatik izan denik ere, 132 inguru dira bloke horretan erroldatutako bizilagunak, eta lau familia-nukleo izan dira positibotasun datu horiek batu dituztenak", adierazi du.
Albiste gehiago gizartea
Nagore Laffage oroitu dute Iruñean, hil zutenetik 17 urte pasa direnean
Duela 17 urte hil zuen Jose Diego Yllanesek Nagore Laffage, honek 20 urte zituenean. Hura oroitzeko elkarretaratzean, dozenaka lagun bildu dira Astelehen Lilak elkarteak deituta, Asun Casasolari, Nagore Laffageren amari, babesa erakusteko. Musikaz jantzitako ekitaldian, besteak beste, Unai Hualde Nafarroako Parlamentuko presidentea, Joseba Asiron Iruñeko alkatea eta UPN, PSN, EH Bildu, Geroa Bai, PPN eta Contigo-Zurekin alderdietako ordezkariak ere izan dira.
Giako Andre Mariaren eguna ospatu dute Portugaleten
Ohitura den legez, uztailaren 1ean milaka pertsona gerturatu dira Portugaletera Giako Andre Mariaren eguna ospatzera. Egun osoko egitarau oparoa antolatu dute: prozesioaz gainera, jaitsierak, musika, herri-kirolak eta jokoak izango dira giroa alaitzeko.
Abian dira aldundiek eskaintzen dituzten udalekuak
Bizkaia, Araba eta Gipuzkoan 4.000 plaza baino gehiago eskaintzen dira 7 eta 13 urte bitarteko neska-mutilentzat. Horrez gain, 14 eta 17 urte bitarteko gazteentzat ere eskaintzen dira oporretako egonaldiak.
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, lan eskaintza publikoetan euskara maila jaisteagatik
Udalak %70etik %40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu du baldintza hori.
Nola eragiten die beroak gailu elektronikoei?
Tenperatura altuen eta bero-boladen ondorioak pairatzea ez da soilik gizakion kontua. Askotan, gailu elektronikoek, gure egunerokoan hain beharrezkoak direnek, funtzionatzeari uzten diote beroa dela eta.
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.