Pandemiaren ondorioz minbizia duten adingabeen arreta murrizten ari dela salatu dute
Aspanafoa Arabako Haur Minbizidunen Gurasoen Elkarteak salatu duenez, pandemiaren ondorioz minbizia duten haurren eta nerabeen osasun arreta murrizten ari da, eta horiek artatzea eta diagnostikatzea "berriro lehentasuna" izatea eskatu du.
Mikel Garcia elkartearen presidenteak Haurren Minbiziaren aurkako Nazioarteko Eguna (otsailak 15) dela eta azaldu duenez, covid-19ak osasun sisteman eragiten dituen egokitzapenek eragina dute minbizia duten adingabeen biziraupenean.
Minbizia duten Umeen Gurasoen Espainiako Federazioak ikerketa bat egin du covid-19aren eraginari buruz, eta "minbizia duten adingabeen proben eta tratamenduen % 30etan atzerapenak edo aldaketak" izan direla ondorioztatu du.
Garciak azaldu duenez, pandemiaren murrizketek ez dute aukerarik eman ospitaleetako unitate onkologikoetan elkarteak egoteko, eta, ondorioz, "higadura emozionala" sortu da familientzat, gaixotasuna "bakardadean" bizi dutelako, "lasaitzeko" espaziorik gabe eta familiatik kanpoko laguntzarik gabe.
Halaber, pandemiak kalte ekonomikoa egin die aldi baterako enplegu-erregulazioko espedientean daudenei, minbizia duten adingabeak zaintzeko "prestazio ekonomikoa galdu"dutelako. Hezkuntza mailan ere kalteak izan dituzte, ospitaleratutako haurrek zailtasunak dituztelako eskolak Internet bidez jarraitzeko.
Aspanafoak Arabako 109 familia eta erabiltzaile artatzen ditu: tratamenduan dauden 12 adingabe eta azterketan alta jasotzeko zain dauden 50. Azken bost urteetan, gaixotasun horrek Arabako 30 adingaberi eragin die; iaz, bi kasu berri izan ziren.
Emilio Sola Gizarte Politiketako diputatuak ebaluazioa egiteko "adingabeek zentrora joan behar ez izatea" aztertzeko konpromisoa hartu zuen iaz. Ekimen hori Aldundiak berretsi du, “adingabeak balorazio zentroetara eramatea saihesteko", baina ez du aurrera egin, covid-19aren ondorioz mendekotasun balorazioak eten eta atzeratu direlako.
Haurren Minbiziaren aurkako Nazioarteko Eguna dela eta, Aspanafoak gereziondo bat landatu du Gasteizko San Martin auzoko skate parketik gertu. "Bizitzaren zuhaitza irudikatzen du" eta esku formako hostoekin erakusten ditu sendatze-tasak eta haurren minbizia eragiten duten hildakoen ehunekoa.
Zure interesekoa izan daiteke
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.