65 urte baino gehiago dituzten euskal herritarren % 42k Internet erabiltzen du
Euskal Estatistika Erakundearen arabera, 65 urtetik gorako euskal herritarren % 42 Interneteko erabiltzaileak ziren 2020ko lehenengo hiruhilekoan. Ehuneko altua ez bada ere, 2019ko lehenengo hiruhilekoan baino % 4,7 gehiago dira.
Ehunekoak gora egin du 15 urtetik gorako euskal herritarren artean ere. Egun, euskal herritarren % 82,6k Internet erabiltzen dute, iazko hiruhileko berean baino 2,4 puntu gehiago.
Bestetik, datuek azaleratu zutenez, Interneten erabilera gutxitu egiten da adinean gora egin ahala. 25 eta 34 urte artean dituzten euskal herritarren % 99,9k erabiltzen dute Internet, eta 55 eta 65 urtekoen artean, % 90,4k baino ez. Gainerako adin tarteetan, % 95ek baino gehiagok erabiltzen dute.
Adinak, baina, ez du gehien erabiltzen diren aplikazioen zerrendan eraginik. Gehien erabiltzen direnak WhatsApp eta antzeko plataformak dira, % 93ko erabilera-tasa gainditzen baitute.
Halere, erabiltzaileek bestelako zerbitzuak ere erabiltzen dituzte: % 55,8k ondasunak eta zerbitzuak erosten dituzte; % 64,2k banku elektronikoa erabiltzen dute, eta % 68,3k sare sozialak. 15 eta 24 urte bitartekoen artean, % 90,1ek erabiltzen dituzte sare sozialak; 25 eta 34 urte bitartekoen artean, berriz, % 78,1ek.
Euskal enpresak sare sozialak erabiltzen hasi dira enpresa-helburuekin. 10 langile baino gehiago dituzten establezimenduen % 68,3k sare sozialak dituzte; aurreko urtean baino % 2,3 gehiago dira, beraz. Online merkataritzari dagokionez, 44.000 establezimenduk erabiltzen dituzte sare sozialak, guztien % 27,1ek.
Internet bidezko salmentak guztien % 38,4 dira, eta negozio-bolumena 21.521,6 milioi eurokoa da.
Zure interesekoa izan daiteke
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.