Absolbitu egin dute 2019an emazteari hiltzen lagundu zion gizona
Madrilgo Zigor arloko 34. epaitegiak absolbitu egin du Angel Hernandez, bere emazte Maria Jose Carrascori, esklerosi anizkoitza zuen gaixo terminalari, 2019an hiltzen lagundu zion gizona. Fiskaltzak akusazioa erretiratu du Eutanasia Legea indarrean sartzearekin bat.
"Aurkeztutako akusazio bakarra erretiratu denez, doktrinaren arabera, absoluzio-epaia eman behar da aldeko erabaki guztiekin", dio ebazpenak. Hala, Angel Hernandez suizidiorako lankidetza delitu batetik absolbitu du.
Joan den ekainaren 30ean, Fiskaltzak Angel Hernandezen aurkako akusazioa erretiratu zuen -sei hilabeteko kartzela-zigorra eskatzen zuen, bere buruaz beste egiten laguntzeagatik- eutanasia arautzeko legeak Zigor Kodean egindako aldaketa kontuan hartuta. Hernandez legez baimendutako egoeran dagoela onartu zuen.
Ministerio Publikoak aurretik iragarri zuen ez zuela indultuaren aurka egingo Hernandez zigortuko balute.
Angel Hernandezek hiltzen lagundu zion 61 urteko bere emazte Maria Jose Carrascori 2019an; 1989tik esklerosi anizkoitza zuen, % 82ko ezgaitasunarekin, eta urteak zeramatzan hiltzeko laguntza eskatzen.
Senar-emazteek bideoan grabatu nahi izan zuten Carrascoren suizidioa. Zintan argi eta garbi adierazten zuen emakumeak hil egin nahi zuela. Hernandezek, gainera, bere emazteak bere bizitzari amaiera eman nahi ziola idatzi zuen gutun batean, eta, bere kabuz egiteko gaitasunik ez zuenez, haren nahia betetzen laguntzea beste aukerarik ez zuela izan adierazi zuen.
Eutanasia arautzeko legea ekainaren 25ean sartu zen indarrean, Espainiako Diputatuen Kongresuak martxoaren 18an gehiengo handiarekin eta PP eta Vox-en kontrako botoekin.
Egun horretatik aurrera, gaixotasun larri eta sendaezina duten eta sufrimendu "etengabea eta jasanezina" duten pertsonek laguntza medikoa eska dezakete hiltzeko.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.