Esako Mina Muga proiektuaren emakida deitoratu du Ekologistak Martxanek
Nafarroako Ekologistak Martxan taldeak deitoratu egin du Espainiako Gobernuak Mina Muga proiektua martxan jartzeko meatze-kontzesioa eman izana Geoalcali enpresari. Izan ere, talde ekologistaren arabera, proiektu horrek "hutsune handiak izaten jarraitzen du" eta "ingurumenean eta segurtasunean ondorioak" izan ditzake.
Talde ekologistak ohar batean gogorarazi duenez, ustiapen-baimena lortuta, bost urte baino gehiagoko prozesu bat itxi da, eta, horretan, "harrigarria bada ere, behin baino gehiagotan jatorrizko proiektua zuzentzen eta aldatzen utzi zaio enpresari"; izan ere, taldearen iritziz, proiektua hasieran baztertu behar zen, "gabezia tekniko larriak zituelako", eta, gaur egun ere, "konpondu gabe daude". Horren adibide gisa aipatu dituzte, besteak beste, "galerien hondoratze arazoak edo eragindako sismikotasuna".
Kontuak horrela, ekologistek gaineratu dute proiektua geldiarazteko aukera bakarrak direla orain enpresa ustiatzaileak obra martxan jartzeko dirurik ez izatea edo proiekturako eroslerik ez aurkitzea.
Ingurumen-arazoak iragarri dituzte
Esako meatze-proiektuak aldeko Ingurumen-inpaktu txostena jaso zuen 2019an, eta meatze-emakida iragan uztailaren 1ean. Hala, enpresak iragarri duenez, gainazalean hondakinik gabeko munduko lehen potasa-meategia garatuko dute, Zangoza (Nafarroa) eta Undues de Lerda (Zaragoza) udalerrien artean. Horren aurrean, Ekologistak Martxanek salatu du "enpresaren gaitasun teknikoaren faltaz hitz egin den arren", horrek hainbat erakunde eta elkarterekin "elkarlanean" aritu dela "ingurumenaren aldetik bere irudia zuritzeko".
Hala, orain, Mina Mugak arazoak sortuko dituela iragarri dute ekologistek, "ur asko" beharko duelako, "hondakin asko" sortuko dituelako eta, enpresak dioenez, galeriak betetzeko berrerabiliko dituztelako. Halaber, taldeak deitoratu du proiektuak Loiti failari eta Esako urtegiari eragingo diela, eta materialen garraiorako trafiko astuna "izugarri" handituko duela ere.
Zure interesekoa izan daiteke
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, axilotuak askotan urratzen zuen urruntze agindu bat zegoen.
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.