Irregulartasunak azterketetan
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Osakidetzako LEParen kasuan 32 oposiziogile ikertzea eskatu du ESK sindikatuak

Sindikatuak irregulartasunak salatu eta hiru urtera ikerketa amaitzear dago. Hala, epaileak beharrezko izapideak egiteko eskatu die aldeei. Hori dela eta, ESK-k beste 34 pertsona ikertu gisa deklaratzea eskatu du, horietatik 32 oposiziogile.
OPE OSAKIDETZA BEC ORIGINAL IMAGEN
Osakidetzako LPEaren azterketa bat. EiTB Mediako bideo batetik ateratako irudia.
author image

Agentziak | EITB Media

Azken eguneratzea

Osakidetzako 2016-2017ko lan-eskaintza publikoan egindako azterketen ustezko filtrazioengatik kasua aztertzen ari den epaitegiari beste 34 pertsona ikertutzat jotzea eskatu du ESK sindikatuak; horietatik 32 oposiziogileak dira.

Zehazki, eskatu du hurrengoak ikertzea: anestesiologiako 4 oposiziogile, angiologiako 5, digestioko 5, traumatologiako 5, neurokirurgiako 5, neurofisiologiako 2, urologiako 3 eta kardiologiako beste 3, baita anestesiologiako eta urologiako bi epaimahaikide ere.

Oposiziogile horiek ikertutzat jotzeko eskaerak bat egiten du LAB sindikatuak kirurgia plastikoaren espezialitateko beste oposiziogile bati buruz egin zuenarekin.

Julio Sanchez sindikatuko abokatuak esan duenez, azterketen ustezko filtrazio-prozesu horretan argitu behar da oposiziogileen parte-hartze aktiboak "garrantzi penala" duen ala ez; izan ere, ez lirateke biktimak izango galderak eskatu izan balituzte edo jaso izan balituzte.

Sanchezek azaldu duenez, epaileak 32 hautagai horiek ikertutzat jotzea onartzen badu, abokatuekin joateko aukera izango lukete, lekuko gisa joango balira ez bezala.

Gaineratu duenez, 32 pertsona horiek jarri dituzte jomugan ESK sindikatuak uste baitu kasu horietan beste batzuetan ez dauden "konexio" batzuk ematen direla, eta, ondorioz, ustezko iruzurrean parte hartu izanaren "zantzu asko" daudela.

Patxi Nicolau ESKk Osakidetzan duen ordezkariak argitu duenez, sindikatuak ez du "oposiziogileen sorgin-ehiza" irekitzeko asmorik. Dioenez, helburua da "bezero-sistema" horrekin amaitzea; izan ere, deitoratu du sistema hori duela hamarkada batzuetatik ezarrita dagoela Osakidetzako lan-eskaintza publikoetan.

34 pertsona horiek ikertu gisa zitatzeko eskaeraz gain, ikertutako hamar espezialitateetan behin betiko froga dokumental bat egiteko eskatu dio ESKk epaileari, horietan guztietan dokumentazio bera egon dadin, etorkizunean ahozko epaiketa hasteko.

Eskaerak ostegun honetan, hilaren 29an, auzia bideratzeko epea amaitu baino egun batzuk lehenago egin dituzte, baina baliteke epaileak epea luzatzea erabakitzea.

Nicolauk gogoratu duenez, hiru urte bete dira sindikatuak "Osakidetzan egiturazko bezero-sistema ezarrita dagoela" salatu zuenetik. Era berean, Osakidetzari egotzi dio ustezko filtrazio horien ikerketa-prozesua "boikotatzen" saiatu izana, baita IVAPi ere, "iruzurrak estali" eta justiziari lagundu ez diolakoan, Euskal Osasun Zerbitzuaren zuzendaritzaren "presioei men eginez".

Gizartea Osakidetza Eguneko Titularrak Sindikatuak ESK

Albiste gehiago gizartea

18:00 - 20:00
ZUZENEAN
Duela  min.

Sute bat piztu da Leako fabrikan, eta kea Arabako hiriburu osotik ikus daiteke

Sute handi bat piztu da Gasteizko Leako fabrikan, eta Arabako hiriburu osotik ikus daiteke. Langileek fabrika utzi dute, eta suhiltzaileak bertan daude. Sua fabrikan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita uzteko gomendatu die inguruko bizilagunei.

Gente jendea neutro
18:00 - 20:00
ZUZENEAN
Duela  min.

Etxebizitza da EAEko herritarren kezka nagusia

Osasunarekiko kezkak behera egin du azken sei hilabeteetan, baina bigarren arazorik garrantzitsuena da (% 36), bizitzaren kostuaren aurretik (% 34). Bestalde, herritarrek 10etik 4,7ko nota jarri diote Imanol Pradales buru duen Eusko Jaurlaritzaren lehen urteari. 

Gehiago kargatu