Nafarroako Alkerdi 2 kobazuloan ezohiko labar-grabatu multzo bat aurkitu dute
Gravetiar garaiko (28.000 eta 20.000 urte bitartean) ezohiko labar-grabatu batzuk aurkitu dituzte Alkerdi 2 kobazuloan, Urdazubin (Nafarroa). Dozena bat irudikapen figuratiboek osatzen dute aurkikuntza, horien artean bisonteak, uroak, zaldiak eta, bereziki, lau bulba nabarmentzen dira, Nafarroako Gobernuak jakinarazi duenez, eta horiei, gutxienez, margo gorriz trazatutako bost lerro bikoitzen serieak gehitzen zaizkie.
Galeria estuen bilbadura batean daude irudiok, eta bertara ia helezina den katazulo batetik iristen da; barrunbearen sakon-sakoneko puntu batean daude, egungo sarreratik bi solairu beherago.
Diego Garate Kantabriako Unibertsitateko historiaurreko labar-artean adituak koordinatutako aurretiazko ikerketa hori Ondarearen Europako Jardunaldietan aurkeztuko dute larunbat honetan, Urdazubin.
Oraingoz, eta ikerketa prozesu betean egonda ere, multzo aparta dela diote, Paleolitoko labar-artean oso ohikoak ez diren ezaugarriak baititu.
Horri dagokionez, Olivia Rivero Salamancako Unibertsitateko eta ikerketa-taldeko kideak honako hau adierazi du: "Grabatuen azterketa teknologikoak erakusten du horiek egin zituen pertsonak ez zuela artisten berezko trebetasunik; alde horretatik, ikastuna edo esperientziarik gabekoa zela dirudi, ez baita gai marra zuzenak eta seguruak sortzeko".
Itxuraz garrantzirik gabekoa dirudien xehetasun horrek eragin handia du labar-artearen etorkizuneko ikerketetan eta interpretazioan; izan ere, "oro har, hormek maisutasun artistikoa zuten pertsonentzat erreserbatuak ziruditen, haietarako sarbidea mugatuta balego bezala, baina galeria berri honek erabat nahastu gaitu", adierazi du Garatek.
Adituek adierazi dutenez, Gravetiar garaiko (28.000 eta 20.000 urte bitartean) eta Europako eremu kontinentaleko konbentzio grafiko batzuei erantzuten diete aurkitutako irudi berriok, eta zehaztu dute penintsulako garai horretako artearengandik bereizten direla, eta antzeko adibideak oso urriak direla.
2016an, proiektu berean margolan beltz, gorri eta grabatuak aurkitu zituzten, eta, oraingoan, Alkerdi 2 haitzuloarekin, Foru Erkidegoan ezagutzen den Paleolitoko bigarren kobazulo apainduaren berri eman dute.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.