Irunera egunero iristen diren migratzaileen kopurua bikoiztu egin da
Irungo Harrera Sareak jakinarazi duenez, azken asteetan bikoiztu egin da egunero udalerri horretara iristen diren migratzaileen kopurua. Egunero 25-30 migratzaile heltzen dira Irunera.
Ohar baten bidez, Frantziako Gobernuak Hendaia eta Irun artean jarri dituen polizia-kontrolak salatu ditu, "legez kanpokoak" direlako eta migratzaileei "antsietatea eta desesperazioa" eragiten dielako; izan ere, "beren bidaiarekin jarraitu ahal izateko beste bide batzuk aukeratu behar dituzte euren bizitzak arriskuan jarrita". Ildo horretan, Bidasoan hiru migratzaile hil direla gogoratu dute.
Horrez gain, Irungo Gurutze Gorriaren zentroaren kudeaketa kritikatu dute, migratzaileek gehienez hiru gau igaro ditzaketelako bertan.
"Koktel horren nahasketa oso arriskutsua da migratzaileen segurtasunerako, arrisku handiko erabakiak hartzera bultzatzen dituztelako", erantsi dute.
Gauzak horrela, Frantziako Barne Ministerioak jarritako "legez kanpoko kontrolguneak" kentzeko exijitu dute, eta euskal erakundeei migratzaileak babesteko neurriak har ditzatela eskatu diete, "baldintzak betetzen ez dituztela aitzakiatzat erabiltzeari utzita".
"Mugan blokeoak jarraitzen duten bitartean, migratzaileak ezin dira kalean lo egitera edo beren bizitza arriskuan jartzera behartu", azpimarratu dute.
"Ez dugu heriotza gehiagorik nahi Bidasoan. Ez dugu aiene gehiagorik nahi. Onartezinak dira erakundeen aldetik azkenaldian entzun ditugun aitzakiak eta adierazpenak", gaineratu dute.
Albiste gehiago gizartea
Kanoikadaren eztandak 'lehertu' egin du Donostiako Aste Nagusia
Elikagaien Bankuaren eta Amara Berriko Auzo Elkartearen kanoikadak hasiera eman dio musikaz eta 380 jarduera baino gehiagoz beteriko zortzi eguneko jaiari; eta, nola ez, Su Artifizialen Nazioarteko lehiaketaren 60. edizioa izango dugu aurten.
Adingabe bat atxilotu eta hamar ikertzen ari dira uztailaren 20an Azpeitian izandako istiluengatik
Desordena publikoak eragitea eta agintaritzaren agenteen aurkako atentatua egitea egozten diete guztiei. Atxilotua, 16 urtekoa, aske utzi dute, beharrezko polizia-eginbideak bukatutakoan.
Beroak hauspotuta, zimitz izurritea Gorraitzen
Gorraitz herrian sekulako amesgaiztoa bizi dutela salatu dute bizilagunek. Beroak hauspotuta, astebete baino gehiago da zimitz izurrite batek herria hartu duela. Egoera horren aurrean, fumigatzeaz gain, prebentzio-neurriak ere exijitu dituzte herritarrek. Bideoan, Javier de Arbizu eta Ane Irigoien bizilagunek azaldu dute egoera.
Gasteiztarrak jaien amaiera borobilaz gozatzen ari dira, Zeledoni agur esan aurretik
Kalejirek eta txarangek hiriko kaleak girotu dituzte egunean zehar, aurreko egunetan bezala, eguraldia lagun zutela. Goizaldean, egunerokora itzuliko dira, txokolatea eta bizkotxoak hartu ondoren.
Ehunka lagun bildu dira Bilbon Palestinaren alde
Bilbo-Palestina herri ekimenak elkarretaratzea egin du Plaza Biribilean, Palestina askatzea eskatzeko eta Netanyahu "gizateriaren aurkako krimenengatik" salatzeko.
Bizkaiko hondartzak, karabela portugesik gabe
Larunbat honetan Bizkaiko kostaldeko hondartza guztietan bainua hartzeko aukera izango dugu, marmokarik gabe.
Auto-gidari bat hil da Tolosan, autobus batekin talka eginda
Lurraldebusek aldi baterako eten du zerbitzua Ibaiondo kaleko 1. eta Larramendi kaleko 8. atarien pareko geralekuetan.
30 bat pertsona etxetik atera dituzte Elgoibarren, eraikin batean piztutako sute baten ondorioz
Sua 00:30 aldera piztu da, San Bartolome kaleko eraikin batean, eta ez da inor zauritu. Kaltetutako pertsona gehienak goizean itzuli dira etxera.
Mozketak N-1 errepidean, Ordizia parean, pantaila akustikoak jartzeko obrengatik
Obrek eragina izango dute eskuineko erreian eta Gasteizko noranzkoan sartzeko adar batean, larunbat goizetik igandera arte.
Gizon bat atxilotu dute Donostian, hainbat adingaberi sexu-erasoak egitea egotzita
Gizon horrek 27 urte ditu, eta epaileak behin behinean espetxeratzeko agindu du, adingabe batzuen sexu-askatasunaren aurkako delituak egotzita.