Bost haur danborrada izango dira San Sebastian egun "berezian"
Donostiako Udalak San Sebastian egunaren inguruko jardueren berri eman du gaur, urtarrilak 14, udaletxean egindako prentsaurreko batean. Jon Insausti Kulturako eta Euskarako zinegotzi ordezkariak esan duenez, San Sebastian eguna ezingo da "merezi duen moduan" ospatu, osasun egoera dela eta, baina hiriko egun handia gogoratzeko "hainbat elementu" izango dira.
Hain zuzen ere, lau jarduera zerrendatu ditu Insaustik: Udal Txistulari Taldearen Kontzertua, Herritar Merezimenduaren Dominak eta Urrezko Danborra banatzeko ekitaldia, Haur Danborrada eta herritarrei etxeko leiho-balkoietan hiriko bandera zabaltzeko deia.
Udal Txistulari Taldeak igandean (12:00) egingo du San Sebastian aurreko kontzertua; aurten, aforoa handitu ahal izateko, Antzoki Zaharrean, udaletxeko Udalbatza Aretoan barik. Gaur-biharretan, urtarrilak 14 eta 15, jaso ahalko dira gonbidapenak, Victoria Eugeniako leihatilan, eta igandean bertan, alerik balego, Antzoki Zaharrean.
1922ko urtarrilaren 20an, Isidro Ansorenak lehenengoz jo zuen txistua Donostian, eta aurtengo kontzertuan gogoan izango dute gertakari hura.
Haur Danborrada
EITB Mediak atzo aurreratu zuen bezala, 3.000 bat haurrek, ohikoen % 63k, hartuko dute parte, urtarrilaren 20an, 12:00etatik aurrera, Haur Danborradan. Koronabirusak eragindako egoeraren ondorioz, aurten "euren poza gure poza izango da, eta euren ilusioa guztion ilusioa", esan du Insausti zinegotziak.
Aire zabaleko kultur ekitaldietan ezin da 800 lagunetik gora pilatu, egun indarrean dagoen araudiaren ondorioz; beraz, bost gunetan beste horrenbeste danborrada izango dira, eta bakoitzak kilometro eta erdiko ibilbidea izango du desfilea egiteko, ohiko errepertorioaren doinuen pean.
Loiolako Erriberetan 600 haur batuko dira, Bidebietan 425, Gros eta Ulia inguruan 550, Antiguan 600 eta Erdialdean 790.
Urrezko Danborra
Herritar Merezimenduaren Dominak eta Urrezko Danborra banatzeko ekitaldiak batu egin dituzte aurten, eta urtarrilaren 19an izango da, Victoria Eugenian. Ekitaldi irekia izango da, eta gonbidapenak donostiakultura.eus webgunean eta Victoria Eugeniako leihatilan jaso ahalko dira.
Dominen irabazleak, Añorga Kirol Kultura Elkartea, Bidegin elkartea, Kresala Zinekluba, Zurriola Antzerki Eskola eta José María Leclercq historialaria, bertan izango dira, baina Esther Ferrer artista, Urrezko Danborraren irabazlea, ezingo da Donostiara bertaratu, medikuak hala aholkatuta.
Eneko Goia alkateak eta Edurne Ormazabal Tabakalerako zuzendariak emango diote saria Parisko beraren etxean, igande honetan.
Bukatzeko, balkoi, leiho eta terrazetan hiriko bandera jartzeko gonbita egin du zinegotziak. Iaz, 10.000 bandera banatu ziren helburu horrekin, baina aurten ez da halakorik egingo.
Nolanahi den, hiria "txuri-urdin" janztera bultzatu dituzte herritarrak.
Hiriko bandera egon egongo da Konstituzio plazan, baina ez dute hori mastan jartzeko eta bertatik kentzeko inolako ekitaldirik egingo.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.