Chivite baikor agertu da covid kasuak astebetean %30 jaitsi direlako Nafarroan
Maria Chivite Nafarroako Gobernuko presidenteak azpimarratu duenez, azken astean hobekuntza nabarmena izan du covid-19aren intzidentzia metatuak Foru Erkidegoan, baina ZIUetan "oraindik ere presioa" dagoela onartu du.
Hedabideen aurrean esan duenez,"kasu kopuruak jaisten jarraitzen du, joan den astean baino % 30 kasu gutxiago daramatzagu aste honetan", baina ospitaleetan, eta bereziki Zainketa Intentsiboetako Unitateetan, egoera ez dela oraindik arindu aitortu du: "Kasuen intzidentzia jaitsi ondoren, 15 bat eguneko epean behera egin beharko luke ospitaleetako okupazioak, baina ikusiko dugu bilakaera nolakoa den", gaineratu du zuhurtziaz.
Presidenteak gogorarazi duenez, egungo murrizketak urtarrilaren 31ra arte egongo dira indarrean, eta "datorren astearen erdi aldera, murrizketekin zer egin aztertuko dugu". Horren harira, "murrizketak gogorren edo zuzenen jasaten ari direnak gaueko aisialdiarekin zerikusia duen sektorekoak" direla nabarmendu du.
Medikuen Sindikatuaren protestei buruz galdetuta, Nafarroako presidenteak onartu du osasun-langileak direla pandemiaren "zama handiena jasaten ari direnak" eta "ia bi urte daramatzatela atsedenik gabe". "Pandemia pixkanaka igarotzen joatea behar dugu gauzak normaltasunera itzuli ahal izateko eta ditugun proiektu guztiak martxan jartzeko, Lehen Mailako Arretako zerbitzuen prestazioa hobetzeko, adibidez" adierazi du.
Covid-19aren kasu berriek 2.000 egunetik behera jarraitzen dute
Atzo, ostirala, beste 1.864 positibo atzeman zituzten Nafarroan (bezperan 1.999), larunbat honetan Nafarroako Gobernuak jakitera eman duenez.
Kasu guztietatik 547 Iruñean diagnostikatu ziren (71 Arrotxapea auzoan, 57 Txantrean, 53 Bigarren Zabalgunean eta 66 San Juanen), eta 100 Tuteran.
Sarrigurenen (71), Mutiloan (57), Burlatan eta Tafallan (43), Zizur Nagusian (42) eta Barañainen (40) ere kopuru handiak atzeman zituzten.
Atzo %43,1eko positibotasun-tasa izan zen, ostegunean % 45,2koa eta asteazkenean % 42koa.
Zazpi pertsona hil ziren covid-19agatik atzo Nafarroan eta 29 ospitaleratu zituzten, horietatik 6 ZIUn. 266 pertsona zeuden ostiralean covidagatik ospitaleratuta Nafarroan, horietako 37 ZIUn; bezperan baino 7 gutxiago planta eta 3 gehigo zaintza intentsiboetan.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.