Sagardui: "Goizeko kirurgia guztiak berreskuratu ditugu, eta arratsaldekoak, % 80an"
Gotzone Sagardui Eusko Jaurlaritzako Osasun sailburuak azpimarratu duenez, 6. olatuaren zartakoa hein batean gaindituta, Osakidetza ari da "apurka-apurka normaltasuna berreskuratzen", eta horren harira, aipatu du goizeko kirurgia guztiak berreskuratu dituztela, eta arratsaldekoak % 80an daudela.
Osasun sailburua ETB1eko "Egun On Euskadi" saioan elkarrizketatu dute, osasun larrialdia bertan behera geratu eta lau egunera. Horren harira, Sagarduik aitortu du indargabetze horrek ez duela "egunerokotasuna aldatu" eta pandemiaren bilakera aztertzen jarraitzen dutela. Dena den, nabarmendu du "beheranzko bilakaera" badagoela eta horrek osasun sisteman eragina duela: "Beste erritmo batzuk berreskuratzen ari gara". Hori horrela, kirurgien eguneroko martxa gehiengo handi batean leheneratu dutela argitu du.
Gaurko buletinaren datuak ere aurreratu ditu, "beheranzko joera" horren erakusle. Nabarmendu duenez, ZIUetan dauden gaixoak % 20 jaitsi dira azken bi asteetan.
Lehen Arretan ere bide horretan doazela erantsi du. "Presentzialtasunean bagoaz gure normaltzera (...) Lehen Arretan estrategia bat geneukan pandemia baino lehen; pandemiak dena gelditu zuen, baina orain bide hori hartuko dugu berriro", esan du. Hala, eta gehiengo sindikalak deituta datorren asterako dauden grebak hizpide, Sagarduik honakoa bota du: "Egongo dira hobetzeko gauzak, baina susperraldiaren egoeran gaude, ez grebarenean".
Iraungitako txertoak
Mendebaldeko hainbat herrialdeetan covid-19aren kontrako txertoen iraungitzearekin izandako arazoak Euskal Autonomia Erkidegoan (EAE) izan ote diren galdetuta, Osasun sailburuak esan du Osakidetzak ez duela prestakin 'stock' handirik izan, eta "iraungarritasunarekin jolastu" duela. "Oro har, iraungi baino nahiko lehenago bidali ditugu 3. mundura (...) Guk ez ditugu galdu adierazgarriak diren dosi adina", argitu du.
6-11 urtekoen txertaketaren mailari (% 57k dosi bat du gutxienez) buruz, Sagarduik adierazi du azken bi hilabeteotan lehen dosia jaso duten umeen % 30 kutsatu dela, eta horiek "itxaron egin" beharko dutela. Nolanahi ere, onartu du gurasoengan "zalantzak" sortu direla, baina azpimarratu du Osasun Sailak "pedagogia egiten" jarraituko duela.
Albiste gehiago gizartea
185 familiak Bernedoko udalekuaren eredua defendatu dute Euskadi Irratira bidalitako gutun batean
Espazio horren eredua defendatu dute, eta antolatzaileak jasaten ari diren "jazarpena" salatu dute, "auzia neurrigabe puntuz" eta "kriminalizazioaren" bidez.
Bernedoko udalekuetan umeen eskubideak bermatu diren ala ez aztertzea da "garrantzitsuena", Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, lehentasuna da mahai gainean dauden lau salaketak aztertzea eta horiei erantzuna ematea. Radio Euskadin egin duen elkarrizketan, hausnarketarako deia ere egin du. Ildo horretan, erakunde pribatuek antolatutako aisialdiko eta aisialdiko jardueren jarraipena egiteko indarrean dauden arauak egokienak ote diren berrikustearen alde egin du.
Borroka bat izan da Gasteizen eta bi lagun zauritu dituzte, labanaz
Ertzaintzak ikerketa abiatu du gertatutakoa argitzeko, eta oraingoz ez dute inor atxilotu.
Eusko Jaurlaritzak 38 kutxazain automatiko berri jarriko ditu landa eremuko herrietan
Udalerri horiek bete beharko dituzten baldintzak honakoak dira: 300 biztanle baino gehiago izatea, egun hurbilen duten kutxazaina 8 kilometrora edo gehiagora egotea edota urtean 100.000 turista baino gehiago jasotzea.
Pasaiako 'Beti Aingeru' ontziko tripulazioko kideek ukatu egin dute matxinatu zirela eta patroiari eraso ziotela
Armadoreak atzo emandako bertsioa ukatu bakarrik ez, harengandik jasotako tratua salatu dute. "Zaborra gainera bota zigunean esan genuen ezin genuela gehiago", azaldu dute.
Bernedoko udalekuan egondako hiru adingabe deklaratzera deitu dituzte
Ertzaintzaren atestatuan identifikatuta agertzen diren hiru adingabe deitzea erabaki du auziaren ardura duen Gasteizko Instrukzioko 3. epaitegiak, "biktima-lekuko" gisa deklara ditzaten.
Denboralea gogor astintzen ari da Balear Uharteak
Eivissa eta Formentera uharteetan alerta gorria ezarri dute hamabi orduan metro koadroko 180 litro pilatuko direlako. Estatuko Meteorologia Agentziak (Aemet) "kontuz ibiltzeko" eskatu du, "uholdeak eta bat-bateko ur-goraldiak izan daitezkeelako".
Eider Mendoza: "Bernedoko udalekuen kasuan gertatutakoa argitu behar da, inor jomugan jarri gabe, baina arduraz"
Eider Mendoza Gipuzkoako ahaldun nagusiak Bernedoko udalekuen inguruan sortutako "kezka" izan du hizpide, eta nabarmendu du beharrezkoa dela "lehenbailehen argitzea bai udalekuetan gertatutakoa, bai auzitegietan gertatutakoa". Horrez gain, adingabeen familiei babes osoa eman die.
Walk On Project Fundazioak WOP Challenge eta XIII Estropatada egingo ditu asteburuan Bilbon
Zientziaren eta gaixotasun neurodegeneratiboen ikerketaren aldeko sentsibilizazioa lortu nahi dute, ekitaldi berezien bitartez.
'Johan de Witt' NATOren ontzi ezagunak geldialdia egin du Bilbon
Herbehereetako Errege Armadako 'HNLMS Johan de Witt' ontzi anfibioa Bilboko portuan egongo da urriaren 2ra arte, NATOk Portugalen egindako maniobra batzuetan parte hartu ondoren.