Bermeoko abusuen ustezko egileak ukatu egin ditu akusazioak: "Frogarik gabe, zurrumurruak baino ez dira"
Asier Sanchez EITB Mediako kazetariak Bermeoko Jose Done ikastetxeko zuzendari ohia eta eskola horretan 70eko hamarkadan izan ziren sexu-abusuen ustezko egilea elkarrizketatu du.
Bermeoko ikastetxean gertatutako sexu-abusuen inguruan galdetuta ondorengoa erantzun du: "Asko sentitzen dut, ez zen nire asmoa, baina hau gehiegizkoa da".
Gaineratu duenez, Bermeoz aparteko oroitzapena du.
"Ez nintzateke ni izango, inola ere ez, asmakizunak dira", adierazi du. "Baten bat haurdun geratu dela esatea besterik ez zaizu geratzen", aurpegiratu dio kazetariari. "Gauza arrarorik egitea ez da sekula nire asmoa izan", erantsi du.
Bestalde, akusazioek froga oinarririk ez dutela aditzera eman du zuzendari ohiak. "Benetako froga irudiak izango lirateke, noski, gainerako guztia zurrumurruak dira", azpimarratu du.
Hala ere, "zerbait gertatu" dela onartu du, baina bera tartean nahasirik egotea ukatu du. "Honen aurka egingo dugu", esan du, ausaz egokitu zaiolakoan.
"Salaketa aurkeztu baino lehen nirekin hitz egin", eskatu die biktimei. Gainera, salaketak testuinguru zehatz baten barruan kokatu ditu: "giroa horixe da orain".
Gaur egun, Madrilen bizi da, Menesianoen Kongregazioaren egoitza batean. 90 urte ditu, baina osasuntsu dago. Ia egunero ateratzen da ibiltzera eta inguru parke batean ariketa fisikoak ere egiten du.
EITB Mediak astelehenean atera zuen argitara Bermeoko Jose Done ikastetxean hainbat adingabek sexu-abusuak pairatu zituztela 70eko hamarkadaren amaieran. Salaketen berri izan ostean, Bilboko Elizbarrutiak ikerketa bat abiatuko zuela iragarri zuen, eta atzo Menesianoen ordenak sexu-gehiegikeriak gaitzetsi zituen eta biktimei barkamena eskatu zien eragindako sufrimenduagatik.
Zure interesekoa izan daiteke
Zer protokolo aktibatzen dira ikastetxe batek jazarpen kasu bat egon daitekeela susmatzen duenean?
522 ikasle eskola-jazarpenaren biktima izan ziren joan den ikasturtean EAEn. Zenbaki bakoitzaren atzean istorio desberdin bat dago, beldurra eta isiltasuna protagonista dituena. Ikastetxeetan geroz eta sentsibilizazio handiagoa dago, eta atzemate goiztiarra oso lagungarria da.
Eskola jazarpenagatik iaz aztertutako 2.263 kasuetatik 522 baieztatu ditu Hezkuntza Sailak
2024-25 ikasturtean eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.
Gazteek inoiz baino gutxiago edaten eta erretzen dute, baina Euskal Herrikoak cannabisaren kontsumoaren buruan daude
ESTUDES txostenak egiaztatu duenez, alkoholaren, tabakoaren eta cannabisaren kontsumoak behera egin du Euskadiko nerabeen artean, azken 25 urteetako mailarik baxuenetara. Hala ere, Euskadi kalamuaren kontsumoaren buruan dago 14-18 urte bitarteko adingabeen artean, eta Estatuko mozkorraldien tasarik handiena ere badu.
Albiste izango dira: Eskola jazarpenaren aurkako eguna, klima aldaketari buruzko goi bilera eta abisu horia itsasaldeko arriskuagatik
Gaurkoan Orain-en albiste izango direnen laburpena, bi hitzetan.
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Azken urtean, ziberjazarpena gauzatzeko adimen artifizialaren erabilerak nabarmen egin du gora, hainbat ikerketaren arabera. Gelakideren baten argazki, bideo edo audio bat manipulatuz bideo faltsuak sortzeko erabiltzen da AA, eta sare sozialen bidez zabaltzen dira. Mikel Cerezo gizarte hezitzaile eta adikzioetan adituak adierazi du orain "duela urte batzuk baino askoz bizkorrago" hedatzen direla edukiak, eta ondorioak suntsitzaileak izan daitezkeela.
Dani Alvarezek Euskal Kazetariak saria jaso du
Dani Alvarez EITB taldeko kazetariari eman diote Kazetarien Euskal Elkargoaren aurtengo Euskal Kazetariak saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohorea" dela aitortza hori jasotzea. EITBren parte-hartzea duen Natur Bizia ikus-entzunezko lana ere saritu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.