Bermeoko Jose Done ikastetxean izan ziren sexu-abusuak gaitzetsi ditu Menetarren ordenak
70eko hamarkadaren amaieran Bermeoko Jose Done ikastetxean izan ziren sexu-abusuak gaitzetsi ditu Menetarren ordenak, eskola aipatu ez badu ere, eta barkamena eskatu die biktimei eragindako minagatik.
Atzo, EITB Mediak Bermeoko ikastetxe horretan sexu-abusuak sufritu zituzten bi emakumeren testigantzak argitara atera zituen, eta horren ondotik iritsi da menesianoen adierazpen publikoa.
"Duela gutxi argitaratu diren informazioen aurrean, Kristau Instrukzioko Anaien Institutuak (Menetarrak) publikoki adierazi nahi du adingabeei egindako edozein abusu gaitzesten dugula, kaltetutako pertsonei gure babesa ematen diogula eta dagokigunaren ardura gure gain hartuko dugula", azpimarratu du ohar batean.
"Ezinbestekoa iruditzen zaigu gardentasunez aritzea, eta adierazi nahi dugu, iraganean edo egun, gure ardurapean egon diren pertsonen aurkako edozein motatako gehiegikeriak argitzea nahi dugula", erantsi dute.
"Gauzak horrela, erakunde gisa, eta betiere errugabetasun printzipioa errespetatuta, gure arbuiorik irmoena adierazi nahi dugu eta biktimei barkamena eskatzen diegu eragindako sufrimenduagatik", nabarmendu dute agirian.
Halaber, erakundek horrek ziurtatu du egun protokolo bat daukala "ikasleen segurtasuna eta babesa bermatzeko" bere ardurapean egiten diren ekintza guztietan.
Ildo horretan, beren konpromisoa agertu dute "edozein motatako gehiegikeriak jasan dituzten pertsonei laguntza emateko eta egia bilatzeko".
Menetarren ordenak bederatzi ikastetxe ditu Espainian eta hiru Euskal Autonomia Erkidegoan: Langraiz Okan, Portugaleten eta Bilbon.
Zure interesekoa izan daiteke
Maialen Mazonen ustezko hiltzaileak “barkamena” eskatu du epaiketako azken unean
Arabako Lurralde Auzitegian egin duten epaiketa epai zain gelditu da asteazken honetan, aldeek euren ondorioak aurkeztu ondoren. Fiskaltzak eta akusazioek 45 urteko zigorrak eskatzen dituzte, hilketagatik, bi abortu deliturengatik eta adin txikiko bat abandonatzeagatik, akusatuak “nahita” hil zuela emakumea eta egoeraz “jakitun” zela uste dutelako. Defentsak absoluzioa eskatu du, hilketaren unean, “errealitatetik erabat deskonektatuta” zegoela argudiatuta.
Medikuen grebari amaiera emateko eskatu dio Alberto Martinezek Osasun Ministerioari
Estatutu markoari buruzko akordiorik ezean, datorren astelehenean laugarren greba astea hasiko dute medikuek. Alberto Martinez Osasun sailburuak azpimarratu duenez, Osakidetza ahaleginak egiten ari da arazoa bideratzeko, baina gatazkari amaiera emateko giltza Osasun Ministerioak dauka.
Altza eta Galtzaraborda arteko Topo zatia uztailaren 18an jarriko da martxan
Zati hori zabaltzeak, batetik, Altzako geltokian trenak nahitaez errebotatzea saihestuko du, eta bestetik, Pasai Antxoko lurpeko geltoki berria estreinatzea ekarriko du, terminal zaharra desegin eta biaduktua, eraikin artean sartuta dagoen trenbide-hesia, kenduta.
Nafarroako Ospitaleko jazarpen kasu batean "delitu zantzuak" ikusita, Fiskaltzara bidali du salaketa Osasun Departamentuak
Nafarroako Unibertsitate Ospitaleko zerbitzuburu baten aurka jazarpenagatiko salaketa jarri zen, modu anonimoan, joan den abenduan. Sare sozial bateko kontuan argitaratu zen gero, eta horren berri zabaldu zen. Bertan, Nafarroako ospitale publiko horretako emakumezko mediku batek salatu zuen zerbitzuburu horren hizkerak eta jokabideak "emakumeak gutxiesten, umiliatzen eta gauzatzat jotzen" zituela, eta zuzendaritzari "ezer ez egitea" leporatzen zion, "jakitun egon arren".
Osakidetzak ia 60.000 euroko soldata eskaini die barneko mediku egoiliarrei
Bigarren urtez jarraian Gaztetzeko eta Fidelizatzeko Programa abiatu du Osakidetzak, azken urteko egoiliarrak bertan geratzeko eta talentua erakartzeko asmoz. Hortaz, lehen edizioan baino 2.500 euro gehiago irabaziko dute erresidentzia amaitu eta Osakidetzan lan egiten duten medikuek.
Abian da Nelson David Moreno Bolañosen aurkako beste epaiketa bat: 73 urteko gizon bat hiltzea egozten zaio, app baten bidez zita bat izan ondoren
Akusatuari 37 urteko kondena ezarri zaio, beste hiru epaiketatan; gutxienez bost gizonezko homosexualen heriotzarekin lotu dute ikertzaileek, baina zazpi ere izan litezke.
Adimen gaitasun handiko helduak eta arrakastaren mitoa
Adimen handiko helduek benetan al dute bizimodu errazagoa? Asier Arrieta psikologoak eta heldutan diagnostikatutako Haizea Lopez idazleak ikuspegi anitzeko errealitatea deskribatu dute. Izan ere, potentzial handiarekin bizitzeak ez du derrigor bizitza errazago bihurtzen, diagnostiko berantiarra, autoexijentzia, antsietatea eta ingurukoen espektatibak tartean daude eta.
Aranako harrera zentroa urrian zabalduko dute eta 120 pertsonentzako lekua izango du
Espainiako Gobernuak azaldu duenez, plaza kopurua murriztu izanaren arrazoia da —hasiera batean, 350 plaza zeuden aurreikusita— duela hiru urte proiektua pentsatu zenean baino errefuxiatu gutxiago ari direla iristen egun Estatura. Ondorioz, "presioa nabarmen murriztu" da.
Ikertzaileek nabarmendu dute akusatuak "bere borondatez" bi aldiz aitortu zuela Lukas Agirre hil zuela
Halaber, agente batek adierazi du bigarren auzipetuak jakinarazi ziola krimenean erabilitako labana berea zela eta ustezko hiltzaileari berak eman ziola.
Jokabide homofoboa egotzita Iruñean epaitu dituzten lau gazteek ukatu egin dute gertakarietan parte hartu izana
Biktimari elkartasuna adierazteko, Egham Nafarroak elkarretaratzea egin du auzitegiaren atarian eta homofobiari aurre egiteko neurriak eskatu ditu.