Bermeoko Jose Done ikastetxean duela 40 urte jasandako abusuak salatu dituzte 2 emakumek Bilboko Elizbarrutian
1976 eta 1981 urteen artean, Bermeoko Jose Done ikastetxeko zuzendariak ustez egindako sexu-abusuak salatu dituzte bi emakumek Bilboko Elizbarrutiaren aurrean. Elizbarrutitik gertatutakoa argitzeko asmoa agertu diete.
Orain arte, EITBk bost salaketaren berri izan du.
EITB Mediari eskainitako elkarrizketa esklusibo batean, Maitek eta Karmelek adierazi dute, harrezkero 40 urte igaro badira ere, barnean "mina" sentitzen dutela eta gizon horrek "nazka" ematen diela.
Maitek kontatu du 1979ko udan zuzendariak errefortzu klaseak eman zizkiola eta orduan hasi zirela sexu-gehiegikeriak: "Ukituak egiten zizkidan. Eskua hartzen zidan, nik bera ukitzeko eta mugimendu hori egiten zidan… Izututa egoten nintzen. Uda hartan haurtzaroa kendu zidan".
Zuzendariak megafonia bidez deitzen ziola gogoratu du, eta haren bulegora joan behar izatea, "hiltegira joatea bezalakoa" zela nabarmendu du.
Hasieran, abusuak ezkutuan ematen ziren, baina gerora beste neska batzuen aurrean egiten zituela erantsi du: "Behin musu bat eman zidan ahoan".
Karmelek 8 urte zituen abusuak pairatzen hasi zenean eta testigantza beretsua eman du: "Ipurditik heltzen zidan eta bere zakilaren kontra eraman. Ukituak egiten zizkidan eta musuak ematen zizkidan zaman, aurpegian… Nik atzera egiten nuen, baina berak berarengana eramaten zidan".
Behin, zuzendariari aurre egin zion eta ihesean joan zen etxera. Gurasoei gertatutakoa kontatu zien eta haiek beste familia batzuekin harremanetan jarri ziren. Bermeotik alde egiten ez bazuen, salatu egingo zutela ohartarazi zioten. Bi urte gehiagoz jarraitu zuen ikastetxean, baina 1982an Bilboko Berriotxoa ikastetxera lekualdatu zuten.
Maite eta Karmele ziur daude haur gehiagoren aurkako sexu-abusuak egin zituela eta posta elektroniko bat sortu dute biktimekin harremanetan jartzeko: JoseDonebiktimak@gmail.com
Zure interesekoa izan daiteke
100.000 € gorde dira indarkeria matxistaren biktimen seme-alaben laguntzetarako Euskadin
2025ean emakumeen aurkako indarkeria matxistaren ondorioz hildako emakumeen 8 seme-alaba lagundu dira. Laguntza ama hiltzen den unean adingabeak diren seme-alabei zuzenduta dago, eta 21 urte bete arte eska daiteke.
Insaustik airean utzi du 2030eko Munduko Futbol Txapelketarako Donostiaren hautagaitza: “Zer ekarriko duen aztertu egin behar da”
Alkateak “zuhur eta zorrotz” aztertu nahi du ekitaldiak ekonomian, logistikan eta gizartean izango duen eragina; PSE-EEk, berriz, Donostiaren hautagaitza irmoago babestea eskatu du.
Maialen Mazonen hilketagatik akusatutako gizonak uko egin dio epaiketan deklaratzeari
Ondorioen idatzian, akusazioek 45 urteko kartzela eskariari eutsi diote Mazonen ustezko hiltzailearentzat, eta defentsak ere hasierako eskaria mantendu eta absoluzioa galdegin du.
Honako hauek dira Euskadiko bizitegi-larrialdiari erantzuteko gaurtik indarrean diren premiazko neurriak
Etxebizitzaren arloko politika publikoak merkatuaren errealitate berrira egokitzea bilatzen du Eusko Jaurlaritzak onartutako dekretuak, estaldurak eta laguntzak handituz, tresnak malgutuz eta gaur egun etxebizitza duina eta egokia lortzeko zailtasun handiagoak dituztenei "modu azkarragoan eta eraginkorragoan" erantzuteko. Gainera, etxebizitza babesturako eta alokairu publikorako higiezinen-parkea handitzeko neurriak aurreikusten ditu.
Isabel Aaiun, Boney M, Ojete Calor eta Shinova taldeek kontzertuak eskainiko dituzte 2026ko sanferminetan
Nafarroako hiriburuko Udalak aurtengo sanferminetan kontzertuak eskainiko dituzten artistetako batzuk ezagutzera eman ditu.
Kartzelara bidali dute, behin-behinean, Arrasaten ikasle-egoitza batean sexu-erasoa egin duelakoan atxilotutako gizona
Ustezko bortxaketa joan den otsailean gertatu zen Arrasateko ikasle-egoitza batean, eta 22 urteko emakumeak ostiralean jarri zuen salaketa. Mondragon Unibertsitateak oharra zabaldu du gaur goizean, ikasle eta langileen artean bortxaketaren berri emateko, eta elkarretaratzeak egin ditu unibertsitateko campus guztietan.
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitzaren prezioa tasatzea da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestua eskuratzeko baremoen gainetik dago, baina merkatu libreko prezioen azpitik".
Bi-30 errepidea normal antzean, auto-istripu batek Leioako errepidean eta Txorierriko igarobidean hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten diren iruzurrekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago babes ofizialeko etxebizitzak iruzurrez saltzea, eta ezkutuan erosleari gainbalioa eskatzea. Babes ofizialeko etxeak espekulazioaren aurka egiteko sortu zirela defendatu du, eta praktika horien aurka gogor egingo dutela jakinarazi du.
40 urteko gizon bat atxilotu dute, Gasteizen, bikotekideari eta taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.