Toki itxietan maskara erabiltzeko amaierarekin batera, gora egin dute ospitaleratzeek eta heriotzek Euskadin
Leku itxietan maskarak derrigorrez erabiltzeko amaierak bat egin du Euskadiko ospitaleratzeen gorakadarekin eta covid-19aren ondorioz astero hildakoen gorakadarekin; pandemiaren bilakaerari buruzko beste adierazle batzuek, berriz, joera apur bat positiboa erakusten dute.
Joan den astean 17 pertsona hil ziren Euskadin covid-19aren ondorioz, hau da, astebete lehenago baino bost gehiago, orduan 12 izan baitziren, Eusko Jaurlaritzako Osasun Sailak apirilaren 11tik 17ra koronabirusaren datuak biltzen dituen txostenaren arabera.
Zaintza intentsiboko unitateetan 14 pertsona daude ingresatuta. Aurreko igandean baino lau gaixo larri gehiago daude, beraz. Ospitaleetako gela arruntetako datua, aldiz, nabarmen igo da. 301 pertsona daude gela arruntetan ingresatuta, aurreko astean baino 98 gehiago.
Guztira 315 gaixo daude ospitaleetan, eta apirilaren 10ean, berriz, 213 ziren. Otsailaren 21etik erregistratutako kopururik altuena da.
Apirilaren 11tik ospitaleratzeen eguneko batez bestekoa 30 paziente ingurukoa edo handiagoa izan da, nahiz eta 13an igoera handia izan zen eta 50 izan ziren.
Apirilaren 11tik 18ra 2.399 koronabirus kasu berri erregistratu zituzten Euskal Autonomia Erkidegoan, aurreko astean baino 954 gutxiago. Positibotasun tasari dagokionez, behera egin du azken egunetan eta % 14,4koa da.
Test gehienak 60 urtetik gorakoen artean egiten dira, eta sektore horretan 1.980 positibo baieztatu ziren, aurreko asteko ia kopuru bera.
100.000 biztanleko 14 eguneko intzidentzia metatuak ez du 300 kasutik behera egitea lortzen. Duela astebete jaitsi zen kopuru horretatik (299), baina ordutik 316 eta 304 artean ibili da.
Arabak du intzidentziarik handiena, tasa zenbait puntu jaitsi bada ere. Gaur egun 358,28 kasu daude. Gipuzkoan intzidentzia metatua 297,13 kasukoa da, eta txikiena Bizkaian dago: 279,25 kasu.
7 eguneko intzidentzia metatua, epe laburrean zer gerta daitekeen adierazten du, 146 kasuan zegoen atzokoan, apirilaren 9tik izandako daturik baxuena, nahiz eta aurreko egunetan 160 inguruko zifretan egon den, baita 170 baino gehiagotan ere. Horrek esan nahi du egoera pandemikoaren geldialdia eragin dezaketen eguneroko gorabeherak izan daitezkeela.
R0 indizeari, hau da, birusaren erreproduzitzeko ahalmena biltzen duen zenbakiari dagokionez, hobera egin du egoerak. Hilaren 15ean batetik jaitsi zen eta atzo 0,90ean zegoen. Araban kutsatzeko aukera handiagoa dago (0,98) Gipuzkoan (0,90) eta Bizkaian (0,86) baino.
Albiste gehiago gizartea
Covid iraunkorra eta zeliakia gaixotasun kronikoen zerrendan sartu dituzte
Espezialisten eta pazienteen iritzian, aurrerapausu handia izango da, bai gaixotasunaren tratamenduan, baita egunerokotasunean behar dituzten laguntzetan ere. Bi gaitz horiekin batera, polioaren ondorioak eta min kroniko ez-onkologikoa ere sartu dituzten zerrendan.
9 urteko espetxe-zigorra berretsi diote 15 urteko alabari sexu-erasoak egin zizkion gizonari
Amak alabaren aurka deklaratu duen arren, Nafarroako Justizia Auzitegi Nagusiko Arlo Zibileko eta Zigor-arloko Salak adingabearen testigantza "sinesgarria, fidagarria eta koherentea" dela adierazi du, baita "oso zehatza" ere. Hori dela eta, Probintzia Auzitegiak apirilean ezarri zion zigorra berretsi du orain.
Gorbeian hildako 86 urteko mendizalearen senideak epailearen erabakiarekin haserre, geolokalizazioa ez baimentzeagatik
Asteazken gauean aurkitu zuten desagertutako gizona. Eskarmentu handiko mendizale arabarra Ertzaintzaren helikoptero batek topatu zuen. Epaileak ez zuen geolokalizazioa onartu, baina mugikorrak seinalea ematen jarraitzen zuen.
Zergatik ikusten dira hain emakume gutxi entzierroetan?
Sanferminetako entzierroan emakumeek lehen aldiz parte hartu zutenetik 50 urte igaro diren arren, oraindik ere entzierroa korritzen duten emakumeen kopurua gizonena baino askoz txikiagoa da. Emakumearen presentziak gora egin du ia alor gehienetan azken hamarkadetan, baina zergatik ez da gauza bera gertatzen entzierroetan?
EHUk Urrezko Domina emango die Nekane Balluerka, Jose Angel Iribar eta Carlos Garaikoetxeari
Euren gizatasuna eta euskararekiko nahiz herriarekiko konpromisoa azpimarratu ditu errektoretza taldeak Urrezko Domina emateko, besteak beste. Ikasturte hasierako ekitaldian banatuko dira aitortzak, irailaren 10ean Gipuzkoako campusean egingo den ekitaldian, EHUko iturriek jakinarazi dutenez.
EHUk 32 plaza gehiago eskainiko ditu Medikuntzan euskararen adarrean datorren ikasturtean
Horrela, besteak beste, graduko praktika klinikoetan ikasleek eskolak euskaraz jaso ahal izateko neurriak hartuko dira. Guztira, datorren ikasturtean 200 plaza eskainiko dira euskaraz eta beste berrehun gaztelaniaz.
Gizarte langile bati eraso egin diote Bizkaiko Aldundiaren zaintzapeko zentro batean, Bilbon
Langilea Gurutzetako Ospitalera eraman dute, lepoan labana batekin egindako zauriak zituela. Bizkaiko Foru Aldundiak kudeatzen duen etxebizitza horretan bizi den adingabeetako bat atxilotu du Ertzaintzak, erasoarekin lotuta.
Errenteriako familia bat etxegabetuko dute, ama identifikatzean akatsa egin dutelako
Donostiako epaile batek ez du onartu familia zaurgarritasun egoeran dagoela; izan ere, nahastu duten emakumeak Euskaditik kanpo hiru jabetza omen ditu.
Labezomorroen izurritea dute Barakaldon
Uda iristearekin batera labezomorroak itzuli dira. Udalak garbiketa- eta desinfekzio-lanak egin ditu hainbat gune publikotan, estoldetan eta ezkaratz batzuetan, batik bat, Gurutzetan. Eta, guk? Zer egin dezakegu etxean?
Mildiu onddoak gogor kolpatu ditu Arabako Errioxako mahastiak, eta hurrengo mahats-bilketa mehatxatzen du
Aurtengo hezetasun handiak, lainoek eta landaretza zabaltzeak mildiua agertzea bultzatu dute. Are, faktore horiek guztiek onddoa suspertu eta zabalarazi dute, eta ia eskualde osoan hedatu da, bigarren fasean hedatu ere.