Euskal Herri osoan libre mugitzearen aldeko "burujabetza-ekintza" egin du Ehun mugimenduak
Euskal errepublikaren aldeko Ehun mugimenduak "burujabetza" praktikan jartzeko desobedientzia-ekintza egin du larunbat honetan Gipuzkoa eta Lapurdi arteko mugan. Mozorrotuta, muga zeharkatu dute dozenaka lagunek, tartean, egoera irregularrean dauden Afrikatik etorritako zazpi pertsona.
Ekintzaileek jakinarazi dutenez, Euskal Errepublikako Herritartasun Agiria (EEHA) eman diete pertsona migratzaile horiei, Euskal Herri osoan libre ibiltzeko "aukera" izan dezaten. Hala, Irunetik Baionako Pausa harrera-gunera joan dira gaur.
"Burujabetza-ekintza" horrekin, euskal errepublikarako "iraultza" abiatu dutela nabarmendu dute ekintzaileek. Halaber, Espainiako eta Frantziako estatuek "inposatutako muga arrazista" salatu dute berriro ere, orain dela gutxi beste ekintza batekin egin zuten bezala. Gogoratu dutenez, "Frantziak erabaki du Afrikatik datozen lagunak ezin direla pasatu Gipuzkoatik eta Nafarroatik Lapurdira, Behe Nafarroara eta Zuberoara". Neurri horren ondorioz, deitoratu dute urtez urte Afrikatik bizi hobe baten bila datozen hainbat lagun hil egiten direla Bidasoa ibaia gurutzatu nahian: "Gure Bidasoa ibaia heriotzaren sinonimo bilakatu dute".
Horren aurrean, "burujabetza-iraultzari" hasiera eman dion lehenengo ekintza egin dute larunbat honetan. Azaldu dutenez, "burujabetza-ekintzak, funtsean, gureak diren burujabetzak, baimenik eskatu gabe, praktikara eramaten hastean gauzatzen dira". Hala, gaurkoan, herritartasuna eskatzeko eskubidea eta Euskal Herrian libre mugitzeko "eskubidea" jarri dute martxan. "Gureak diren burujabetzak erabili egin ditugu", aldarrikatu dute Ehun mugimenduko kideek.
Gaurkoaren ondoren, datorren uztailaren 4an beste ekintza bat egingo dutela iragarri dute.
Albiste gehiago gizartea
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.