Aste Nagusiak eztanda egin du Donostian
Pandemiak bi urte isilarazi ondoren, kanoiaren burrunba entzun da berriro larunbat honetan, Aste Nagusiaren hasiera iragartzeko. Union Artesanak, 2020an 150 urte bete zituen elkarte gastronomikoak, piztu du festa-metxa, duela bi urte agindu zioten bezala. Horretarako hautatuak Elias Arruabarrena eta Onintza Mokoroa artillaria izan dira, "kanoikada honek hiruna balioko duela" adierazi dutenak.
Burrunbaren ondoren, festa piztu da Gipuzkoako hiriburuan, eta zortzi egunez 400 ekitaldi baino gehiago izango dira hiri osoan zehar banatutako 30 bat gunetan.
Ekitaldi jendetsuenak Su Artifizialen Nazioarteko Lehiaketa (57. edizioa), zortzi piroteknia lehiatuko dituena (horietako bat ukrainarra), eta Sagueseko gaueko kontzertuak izango dira. Bertan Izaro, Ariel Rot eta Kiko Veneno arituko dira, baita Zetak banda, La M.O.D.A., MITIC, Ana Guerra eta Green Valley ere.
Lehiaketa gastronomikoak ere ez dira faltako, bost guztira, non hiriko bizilagunek beren sukaldaritza-trebetasunak praktikan jarriko dituzten.
Aste Nagusi Pirata
Bestalde, "Biba festa! Biba eraldaketa!" lelopean, Donostiako Piratek ere Aste Nagusirako egitarau zabala antolatu dute. Egunean zehar, bazkariak, txarangak eta publiko guztiarentzako jarduerak eskainiko dituzte, eta musika ekitaldiak arratsalde-gauean izango dira.
Halaber, abuztuaren 15ean, astelehena, ehunka baltsak eta milaka piratek Abordaia mitikoa egingo dute Kontxako Badian.
Aurten, Bilgune Feministak botako du txupina, bere borrokaren 20. urteurrenean. Era berean, Boulevardeko informazio-postuan erreferentziazko gune bat jarriko dute lehen mailako arretako profesionalekin, sexu-erasoen aurrean aholkuak eta arreta emateko.
Jaiotan, piratek elkarbizitza, feminismoa, kontzientzia ekologikoa, euskara eta euskal kulturaren defentsa aldarrikatuko dituzte, izan ere, euren hitzetan, "jai herrikoiak gizarte beharrak asetzeko eskola paregabe bihurtzen dira".
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.