Eneko Goia: "Herritarrek Aste Nagusiko ekitaldi guztietan izan duten parte-hartzea azpimarratu nahi dut"
Bi urteren ondoren, Donostiako Aste Nagusia berriro ere ospatu ahal izatea "ederra" izan dela esan du gaur Eneko Goia alkateak, EITB Mediari emandako elkarrizketan: "Eta ederra izan da, batez ere, jendearen gogoarengatik. Parte-hartze oso handia izan dugu ekitaldi guztietan eta giro onean gainera, orokorrean, eta hori da azpimarragarriena" nabarmendu du.
Jendetza ibili da jaietan eta hainbat ekitalditan milaka lagun bildu dira, kontzertuetan, adibidez. "Atzo izugarrizko jendetza bildu zen, adibidez, Gatiburen kontzertuan, Zetakenean... Izaroren kontzertuak ere oso erantzun ona izan zuen" aipatu ditu alkateak.
Haizeagatik suak bertan behera uztea tamalgarria dela aitortu arren, Goiak argi du segurtasuna gauza guztien gainetik dagoela: "Haizeak abiadura bat gainditzen duenean ez da segurua suak botatzea eta gauza guztietan bezala, segurtasuna lehenetsi behar da". Hala, ekitaldiak galtzea pena dela baina "eguraldia ez dagoela oraindik erabakitzerik" gogorarazi du.
Alderdi negatibo gisa, emakumeen kontrako erasoen kezka hor izan dutela aste osoan esan du alkateak. Ziztadak, sexu erasoak...kezkatuta hasi zutela Aste Nagusia aitortu du, eta azkenean, bi salaketa aurkeztu direla. Hori bai, alderdi positibo gisa, gai honen inguruan izan den elkarlana eta koordinazioa azpimarratu ditu: "Lan ona egin da bai Aste Nagusian baita aurrez ere, protokoloak ezarriz, gune ezberdinetara protokolo horiek zabalduz, azken momentuan ziztaden protokoloa eratsi zen, tabernekin, txosnekin... puntu morea.... elkarlana izan da nagusi".
Orain, pare bat egunez atseden hartu eta hurrengo hitzorduetan murgilduko da alkatea, Hamabostaldia, Abuztuaren 31ko ospakizunak zein estropadak ate joka baitira Donostian.
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.