800 lagunek eman dute izena EAEko kartzeletan lan egiteko, behargin faltari aurre egiteko nahikoa
Langileak falta direla eta, espetxeetako "sindikatuen gutxiengo" batek egindako kritikei erantzun die Beatriz Artolazabal Berdintasun, Justizia eta Gizarte Politiken sailburuak, Eusko Jaurlaritzak espetxe politiken eskuduntza jaso zuela urtebete den honetan. Azaldu duenez, Jaurlaritzak "herentzian jaso du langileria falta hori", eta hori konpontzeko lanean ari dira. "Baina horretarako denbora behar da, eta hori ondo dakite sindikatuek". Hala, neurri "iragankor" moduan, lan poltsa bat zabaldu dute. 803 pertsonak eman dute izena, eta horietatik 60 bat abenduan hasiko dira beharrean bitarteko langile gisa.
Radio Euskadiren "Boulevard" saioari eskainitako elkarrizketan, lehen urtearen "balorazio positiboa" egin du sailburuak, eta 12 hilabeteotan "gauzak apurka-apurka hobetu" dituztela nabarmendu du. Besteak beste, Jaurlaritzak izapidetu dituen 457 gradu progresioak aipatu ditu.
Sansoheta auziaz, Artolazabalek nabarmendu du Arabako Foru Aldundiak "azkar jardun" zuela adingabeak babesteko, eta sei urteko ikerketak foru erakundearen ardura oro baztertu du. Era berean, ziur agertu da kasu horiei aurrea hartzeko neurriak hartu direla.
Azkenik, Arabako ahaldun nagusirako hautagaia izango ote den galdetuta, EAJk "horren berririk" eman ez diola argitu du. Gogorarazi duenez, konpromisoa du lehendakariarekin, eta oraindik "erronka asko" ditu betetzeko bere sailean.
Albiste gehiago gizartea
Karabela portugesa gorabeherak eragiten ari da Euskal Herriko hondartzetan
Donostiako Zurriolan eta Kontxan, eta Bizkaian Bakioko hondartzan atzeman dituzte. Itsas korronteen eta haizearen ondorioz iritsi ohi dira bizidun horiek itsasertzera, eta zenbaitetan horien ziztadak arriskutsuak izan daitezke.
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.