N-1 errepidearen Irungo noranzkoak hiru ordu baino gehiago itxita eman ditu, istripu baten ondorioz
Bi kamioik eta auto batek elkar jo dute N-1 errepidean, Legorretan (Gipuzkoa), eta errepidea itxi behar izan dute, Irungo noranzkoan. Errepidea garbitu eta berriro zabaldu dute dagoeneko, Segurtasun Saileko iturriek eitb.eus-i jakinarazi diotenez.
Istripua 17:15 aldera gertatu da herriko gasolindegitik gertu. Zirkulazioa Ordiziatik bideratu dute, GI-2131 errepidetik. Hala ere, auto-ilara luzeak izan dira inguruan, 6 kilometro artekoak. Ia Beasainera arte heldu dira. Une honetan ez dago ilararik jadanik.
Dirudienez, kamioietako batek artaziarena egin du, eta beste bi ibilgailuek horren aurka talka egin dute. Pertsona bat arin zauritu da ezbeharrean.
Garabiek ibilgailuak errepidetik kendu dituzte.
Albiste gehiago gizartea
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Marmokak topatu dituzte Bizkaiko zazpi hondartzatan
Larunbat arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.
"Bakean eta indarkeriarik gabeko" Gasteizko jaiak aldarrikatu ditu Roberto Ugarte Euskadiko Orkestrako zuzendariak
2025eko Andre Maria Zuriaren jaietako pregoiaren protagonista musika izan da. Izan ere, piano doinuek pregoia girotu dute. "Gasteiz musika da", azpimarratu du Ugartek. Ondoren, Maider Etxebarria Gasteizko alkateak jaietako zapia jarri dio.
64 urteko pertsona bat zauritu da Zizur Nagusian, bere etxeko eguzki-instalazioa erre ostean
Zauritua Nafarroako Unibertsitate Ospitalera eraman dute, pronostiko erreserbatuarekin.