Donostialdeko ESIko 23 zerbitzuburuk Osakidetzaren zuzendaritza kargugabetzea eskatu dute
Aurrekaririk gabeko krisia lehertu da Osakidetzan, joan den astean Donostialdeko ESIko gerentea eta zuzendaria kargugabetu, eta horren ondotik hainbat arduradunek dimisioa aurkeztu eta gero. Gaur, zentro horretako 23 zerbitzuburuk oharra kaleratu dute, Osakidetzaren zuzendaritza kargugabetzea eskatuz Gotzone Sagardui Osasun sailburuari, "burugabekeria honen konplize izatea nahi ez badu".
Sailburuaren prentsaurrekoaren ostean, zerbitzuburu batzuek deitoratu dute Sagarduik ez dituela beren hitzak aintzat hartu eta ez duela azalpenik eman nahi izan. Osakidetzak giza baliabideen kudeaketaren arloan egiturazko erreformak behar dituela azpimarratu dute. Arduradunek profesionalei entzuteko eskatu dute, eta ziurtatu dute arreta ez dagoela arriskuan.
Idatzian salatu dute Donostialdeko ESIko "kudeaketa krisi larriaren" aurrean ezin dutela isilik egon. Sinatzaileen hitzetan, ospitaleko profesionalei eta adituei "ez entzutearen ondorioz" herritarrak "zerbitzuen galera" pairatzen ari dira. "Pandemiak", "profesional kualifikatuen eskasiak" eta "osasun zerbitzuen eskari geldiezinak" areagotu egin dituzte Osakidetzako arduradunen "erabaki okerren ondorioak", zerbitzuburuen arabera.
Agertoki horren aurrean, "politika suizidak" atzean uzteko eskatu diete Osasun Saileko arduradun nagusiei. Halaber, kargugabetu dituzten arduradunen "balioa eta ausardia" txalotu dituzte, sistemarekiko konpromisoa lehenetsi dutelako beti, eta proposatutako neurri guztiak zerbitzua hobetzea izan dutelako helburu. "Hori izan da euren bekatu" bakarra, eta Osakidetzak "lan hori zigortu" du, gehitu dute oharrean.
"Eredu inposatzailean" oinarritutako lan-funtzionamendua ezarri nahi izatea leporatu diote Osakidetzari, eta, besteak beste, Tolosaldeko, Bidasoaldeko edota Onkologikoko egoera "bereziki larria" aipatu dituzte. "Segurtasun eza eta ezinegona sortzeaz gain, azkenaldian emandako urratsek egitura osoaren haserrea ere eragin dute".
Halaber, zerbitzuburuek exijitu dute "herritarren ahaleginari esker" lortutako aurrekontuak "irizpide teknikoen" arabera eta "modu orekatuan" erabiltzeko, eta ez "komenentzia politikoei" men eginez.
Herritarrei, berriz, "adi egoteko" eskatu diete, Osasun Sailak gizarte osoaren presioa senti dezan.
Bestalde, EITB Mediak jakin ahal izan duenez, Donostialdeko ESIko profesionalek bilera deitu dute gaur 13:30erako, egoera aztertu eta aurrera begirako erabakiak hartzeko. Asteazken arratsaldean egingo dute agerraldia hedabideen aurrean.
Bere aldetik, Osasun Saila elkarrizketa abiatzeko prest agertu da, krisialdia bideratzeko. Krisia lehertu zenetik gaiari buruzko azalpenik eman gabe egon ondoren, gaur hitz egingo dute Osakidetzako arduradunek Donostialdeko ESIko kargugabetzeen inguruan.
Sagarduik "iritzi desberdinak izateari" egotzi dizkio kargugabetzeak
Bestalde, Osasun Sailak kargugabetzeak defendatu ditu, eta prest agertu da krisiari irtenbidea emateko elkarrizketa bat hasteko. Gotzone Sagardui sailburuak esan duenez, "iritzi derberdinak" izateagatik gertatu dira osasun eskualdeko zuzendarien kargugabetzeak. Gaineratu du "pertsonak aldatzea aholkatzen duten gertakariak kateatu ondoren" erabaki direla, gertakari zehatz horiek zein izan diren zehaztu gabe.
Gainera, Donostialdeko ESIan "elkarrizketa eraikitzailea" izateko borondatea agertu du, eta "lasaitasun, aintzatespen eta esker oneko" mezua helarazi die langile guztiei, "eguneroko lanagatik eta dedikazioagatik".
Albiste gehiago gizartea
Iñaki Kerejazu (Zeledon): "Jai seguruak behar ditugu guztiontzat; ez dugu inolako erasorik onartuko Gasteizen"
Bigarren urtez jarraian Iñaki Kerejazuk gorpuztuko du Zeledon, eta ordu batzuk besterik ez dira falta bere ohiko aterkia, ardo-zahatoa eta zapia hartzeko eta Andre Maria Zuriaren jaiei hasiera emateko, 18:00etan.
Espainiako online jokalarien kopurua % 20 baino gehiago igo da 2024an, 'ongietorri bonuak' direla eta
Eskubide Sozialen, Kontsumoaren eta 2030 Agendaren Ministerioak zuzenketa bat bultzatu du Bezeroentzako Arreta Zerbitzuen hurrengo Legean, arau horrek 'ongietorri bonu' deritzonen debekua barne har dezan.
Karabela portugesa gorabeherak eragiten ari da Euskal Herriko hondartzetan
Donostiako Zurriolan eta Kontxan, eta Bizkaian Bakioko hondartzan atzeman dituzte. Itsas korronteen eta haizearen ondorioz iritsi ohi dira bizidun horiek itsasertzera, eta zenbaitetan horien ziztadak arriskutsuak izan daitezke.
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.