Martxoaren 1etik aurrera eskatu ahalko dira 3 urtetik beherako seme-alabak dituztenentzako laguntzak
Martxoaren 1ean irekiko da seme-alabak beren kargura dituzten familiek hileroko dirulaguntza berria eskatzeko epea. Seme-alabak hazi eta mantentzeko laguntzak 200 eurokoak dira 3 urte bete arte, eta, familia ugarien kasuetan, 100 euro gehigarri beste seme-alaba bakoitzeko, horiek 7 urte bete arte. Iñigo Urkullu lehendakariak 2022ko maiatzean iragarri zuenez, neurriaren helburua da "jaiotza tasetan joera negatiboa aldatzea".
Lide Amilibia Gizarte Politiketako sailburuordeak jakinarazi du Jaurlaritzak bihar, asteartea, onetsiko duela laguntza berria gobernu bileran, eta, nabarmendu duenez, "oso neurri garrantzitsua da". "Gure aurrekontutik 110 milioi euro baino gehiago bideratu ditugu prestazio horiei aurre egiteko. Laguntza ekonomiko hauek euskal herritarrei nahi adina seme-alaba izaten laguntzea espero dugu", gaineratu du. 65.000 pertsona inguru baliatu ahalko dira laguntzaz.
Adin baldintzak betetzen dituzten euskal familia guztiek hileko laguntza kobratu ahalko dute beren ardurapean duten seme-alaba bakoitzeko, jaiotzagatik, adopzioagatik, adopzio aurreko bizikidetzarako zaintza eskuordetzeagatik edo tutoretzagatik.
Alabak edo semeak % 33ko edo gehiagoko ezgaitasuna edo mendekotasun egoera aitortua badu, aurreikusitako laguntzak bikoiztu egingo dira, eta hilabeteko laguntza jasotzeaz gain, ume bat baino gehiagoko erditzeek eta adopzio anitzek aparteko laguntza jaso ahalko dute.
Laguntza hauek arautzen dituen dekretuaren arabera, atzeraeraginezko efektua dute 2023ko urtarrilaren 1etik aurrera. Hori dela eta, adingabeak beren kargura dituzten euskal familiek urtarrileko eta otsaileko laguntza ekonomikoa ere eskatu ahalko dute. Horretarako, eskaerak egiteko epea urriaren 31ra arte luzatuko da.
Nola eskatu dirulaguntza?
Berdintasun, Justizia eta Gizarte Politiketako Sailak telefono zenbaki bat eta helbide elektroniko bat jarri ditu martxan, seme-alabak hazi eta mantentzeko hileko laguntza berriei buruzko informazioa jasotzeko: 945 062 040 eta umeak@euskadi.eus. Hurrengo helbidean, gainera, argibide batzuk jarri dituzte: euskadi.eus/hilekolaguntzak.
Martxoaren 1etik aurrera, laguntza telematikoki eskatu ahalko da, baita Zuzenean ordezkaritzen bidez (Bilbon, Donostian eta Gasteizen), posta bulegoetan eta udaletxeetan.
Neurriak 2030eko Erronka Demografikorako Euskal Estrategia sustatzeko balio du, eta bat dator Unicefek sustatutako lehen 1.000 eguneko programarekin. Haren irizpidearen arabera, administrazio publikoek haurraren bizitzako lehen hiru urteetan egin behar dituzte inbertsioak, etorkizunean duten garrantziagatik.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.