Bi gizon hil dira Irunen izandako liskar batean eskopetarekin tiro eginda
53 eta 47 urteko bi gizonen gorpuak topatu dituzte gaur Irungo Olaberria auzoko baserri batean, Eusko Jaurlaritzako Segurtasun Sailak ohar bidez jakinarazi duenez. Biek ala biek suzko armaz, eskopetarekin, egindako zauriak dituzte. Ertzaintzak ikerketa zabaldu du gertatutakoa argitzeko.
Epaileak arratsaldeko 17:30ak aldera eman du bi gizonen gorpuak altxatzeko eta lekualdatzeko agindua, eta Ertzaintzak, ikerketa oraindik zabalik duela, landa eremurako sarbideetan zuen polizia hesia altxatu du. Agenteak lau orduz egon dira lekuan, gertatutakoa ikertzen.
Segurtasun Sailaren arabera, Ertzaintzak 11:30ean izan du gertatutakoaren berri. Herritarren Babeserako eta Bizkor Erantzun Azkarreko agenteak bertaratu dira. Olaberria auzoa nekazaritza inguru batean dago, Aiako Harritik gertu.
EITBk jakin duenez, bi gizonek ika-mika zuten lur-sailen kontura. Eztabaida baten ostean, batek tiro egin dio besteari, eta, ondoren, bere buruaz beste egin du. Halaber, hildako baten anaiak bertaratutako kazetariei kontatu dienez, karabanak gordetzeko lur-saila partekatzen zuten biek Aranburu baserriaren goialdeko pabiloi batean, eta tirabirak omen zituzten negozioa kudeatzeko moduaren inguruan.
Josu Erkoreka Eusko Jaurlaritzako Segurtasun sailburuak hedabideen aurrean adierazi duenez, ikerketak "hasi besterik ez dira egin", eta "oso goiz da inolako ondoriorik ateratzeko".
Hori dela eta, azpimarratu duenez, "Ertzaintzari lanean utzi behar zaio", informazioa argitu dezan, ikertzeko baitaude oraindik heriotza horiek argitzeko inguruabarrak.
Bestalde, Jose Antonio Santano hiriko alkateak doluminak eman ditu Twitter bidez. "Atsekabetuta" agertu da, eta, gaineratu duenez, poliziaren ikerketaren zain, "suntsitutako bi familiengan" soilik pentsa dezake.
Albiste gehiago gizartea
Bi aktibista Kursaaleko zubitik zintzilikatu dira, Palestinaren aldeko manifestazio jendetsuaren ostean
Zinemaldiak eskaintzen duen foku mediatikoa aprobetxatuz, milaka pertsonak manifestazioa egin dute gaur arratsaldean Gipuzkoako hiriburuan. Amaieran, bi ekintzaile Kursaaleko zubitik zintzilikatu dira eta ordubetez baino gehiagoz eten dute trafikoa zubian, bai ibilgailuentzat, bai oinezkoentzat.
Bi ekintzaile Zurriolako zubitik zintzilikatu dira Donostian, Palestinaren alde egin duten manifestazioan
3.000 lagun bildu dira Gipuzkoako hiriburuan Gazan gertatzen ari den genozidioaren aurkako manifestazioan, Zinemaldiaren bigarren egunean. 19:30ean, bi ekintzaile Zurriolako zubitik zintzilikatu dira, eta dozenaka lagunek Kursaaleko zubia moztu dute bai ibilgailuentzat bai oinezkoentzat.
Esako urtegia bere edukieraren % 23an dago, azken urteetako mailarik txikienean
Nafarroako urtegiak edukieraren % 41ean daude batez beste. Esan, ostera, egoera bereziki zaila da. Urtegiko irudiak, drone batekin grabatuak.
Euskararen aldeko giza kate historikoa egin dute Igorren
700 lagunek baino gehiagok euskararen aldeko giza kate historikoa egin dute Igorren (Arratia). Arratiarrek gure hizkuntzaren aldeko irudi sinboliko zirraragarri eta indartsua osatu dute.
'Ibaitik Itsasora' martxa Hendaian amaitu da, Euskal Herrian zehar palestinar herriaren alde ibili ondoren
Ehunka pertsonak "genozidioa amaitzeko" eta "Israeli boikota egiteko" eskatu dute lau orduz Hendaiako kaleetan, eta "Europaren konplizitatea" salatu dute.
20 urteko gizon bat atxilotu dute Barakaldon, polizia-patruila bat jo, agente bati ukabilkada eman eta ihes egiteagatik
Ohe baten azpian eta poltsa batzuekin estalita aurkitu zuten ertzainek. Atxilotuak polizia-aurrekari ugari ditu, eta bikotekide ohiarengana hurbiltzea debekatzen zion kautelazko neurri bat urratu zuen ostegunean.
AP-1 autobidea itxi dute Eskoriatzan, Gasteizko noranzkoan, furgoneta batek eta kamioi batek talka egin ondoren
Istripua 08:50ean jazo da. Bertaratu diren osasun langileek furgoneta gidaria artatu behar izan dute, eta Txagorritxuko Ospitalera eraman dute.
DBHko eta LHko irakasleentzako LEP handia egiten ari dira BECen
Urduritasuna eta ilusioa nagusi izan dira larunbat honetan, azterketak hastean. Guztira, 1.268 lanpostu eskainiko dira Bigarren Hezkuntzako eta Lanbide Heziketako irakasleen artean, eta bitarteko langileen tasa % 4ra murriztuko da.
Osakidetzak irailaren 24ko Mahai Sektorialean proposatuko du lehen mailako arretan psikologoak jartzea
Alberto Martinez Osasun sailburuak iragarri du Saila aztertzen ari dela beste LEP berezi bat deitzea betetzen zailak diren lanpostuetarako.
Auto baten gidaria hil da Gasteizen, kamioi baten aurka talka eginda
Ezbeharra bart gauean gertatu da, Lopidako zerbitzugunean, autoak aparkatuta zegoen kamioi bat jo zuenean.