Banaketa-enpresek eta jatetxeek zigorrak jasoko dituzte saltzen ez duten janaria ematen ez badute
Elikagaiak ekoizten eta eraldatzen dituzten enpresek, eta banatzen dituztenek, milioi erdi eurorainoko zigorrak jasoko dituzte janaria alferrik galduz gero. Jatetxeei eta gainerako ostalaritza establezimenduei ere eragingo die araudi berriak.
Elikagaiak alferrik galtzeari aurre egiteko legea gaur onartu du Kongresuak. Hiru arau-hauste maila ezartzen ditu (arinak, larriak eta oso larriak), eta 2.000 eurotik gorako isunak aurreikusten ditu arauak betetzen ez dituzten enpresentzat.
Lege-proiektua Senatuan bozkatuko dute jarraian.
Enpresek, horretarako gaitasuna dutenean, lehentasunak zehaztu beharko dituzte janaria zakarrontzira ez botatzeko, eta soberan geratzen dena eramateko aukera eskaini beharko dute, betiere arriskurik gabe kontsumi badaiteke.
Soberakinak eramateko aukera ez ematea arau-hauste arina izango da, eta enpresak administrazioekin lankidetzan arituko dira sortzen diren hondakinak kontrolatzeko.
Elikagaiak emateaz arduratzen diren enpresen kasuan, soberakinak egoera ahulean dauden pertsonei eman ezean, zigorrak jasoko dituzte. Gainera, elikagaiak banatzeko orduan diskriminatzea arau-hauste larria izango da.
Elikagaiak alferrik galtzea prebenitzeko legea.
Urtero, milioika tona elikagai zakarrontzira botatzen dira. Gehiena (% 70) gure etxeetan eta jatetxeetan galtzen da.
Ekoizpen eta banaketa kateko eta ostalaritzako hondakinak kontrolatzeaz gain, etxeetan ere jarri behar da arreta. Batez beste, etxe bakoitzean 70 kilo inguru botatzen dira urtean. Batez ere, ukitu ere egiten ez ditugun elikagaiak botatzen ditugu. % 78 dendatik zaramara doazen produktuak dira, eta gainerako % 22a, prestatutako platerak.
Hona hemen OCU kontsumitzaile eta erabiltzaileen elkarteak emandako aholku batzuk, hainbeste janari zaborretara ez botatzeko.
Zure interesekoa izan daiteke
Osakidetzak markak hautsi ditu azaroan, 34 transplanteekin, Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabete bakarrean, eta arlo horretan estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.