Bihotzeko Kirurgia Zerbitzuak Basurtun jarraituko du, EAEANk Osakidetzaren errekurtsoa ezetsi ostean
Euskal Autonomia Erkidegoko Justizia Auzitegi Nagusiak (EAEAN) azaroaren 16an ezarritako kautelazko neurriei eustea erabaki du, Basurtuko Ospitaleko (Bilbo) Bihotzeko Kirurgia Gurutzetako Ospitalera (Barakaldo) eramatea geldiarazteko. Hala, Bihotzeko Kirurgia Zerbitzuak Basurtun jarraituko du, epai irmoa izan arte.
Gasteizko Administrazioarekiko Auzietako 1 zenbakiko Epaitegiak azaroan erabaki zuen kautelaz geldiaraztea Basurtuko Ospitaleko Bihotzeko Kirurgia Zerbitzuaren itxiera, Gurutzetako Ospitalera eramateko, azaroaren 17rako aurreikusita baitzegoen. Neurri hori berretsi egin zen geroago, Osakidetzak hura kentzea eskatzeko alegazioak ezetsi baitzituen.
Osakidetzak apelazio-errekurtsoa aurkeztu zuen azaroaren 16ko auto horren aurka. Orain, Euskal Autonomia Erkidegoko Auzitegi Nagusiko Administrazioarekiko Auzien 3. Salak ezetsi egin du, eta berretsi egin du Gasteizko Epaitegiaren autoa.
EAEko Justizia Auzitegi Nagusiaren ebazpenak atzera bota du Osakidetzaren argudioa, hau da, "demandatzaileek ez dutela legitimazio aktiborik", errekurritutako ebazpenak "bihotzeko zirujauei bakarrik eragiten dielako, baina ez kardiologoei". Auzitegiaren arabera, "Bihotzeko Kirurgia Zerbitzua eta Kardiologiakoa desberdinak dira, baina ez dago zalantzarik zerbitzua ematen den une askotan duten harremanaz", eta errekurtsogileek "legitimazio aktiboa" dutela ondorioztatu du, "gaiaren muinean interes zuzena eta legitimoa dutelako".
Azken ebazpen judizial horren aurka kasazio-errekurtsoa aurkez daiteke Auzitegi Gorenean edota EAEko Auzitegi Nagusiko Administrazioarekiko Auzien Salan, 30 eguneko epean.
Basurtuko bihotzeko kirurgiari buruzko epaiak "ez dakar ezer berririk", Osakidetzaren arabera
Eusko Jaurlaritzako Osasun Sailak oharra kaleratu du EAEko Auzitegi Nagusiak Basurtuko Bihotzeko Kirurgia Zerbitzuari buruz eman duen azken epaiaren balorazioa egiteko. Horren esanetan, epaiak ez du ezer aldatzen, ez diolako mamiari heltzen.
Osasun Sailak zehaztu duenez, Basurtuko eta Gurutzetako bihotzeko kirurgiak "bateratzeari buruzko bista oraindik ez da egin", eta Auzitegiak azaroan ezarritako kautelazko neurriei eutsi die. Gauzak horrela, ezingo dira bi ospitaleetako bihotzeko kirurgiak Gurutzetako ospitalean bateratu epaiketa egin bitartean.
Orduan Osakidetza kautelazko neurri horien aurka agertu zen eta Gasteizko Administrazioarekiko Auzien 1 zenbakiko Epaitegira jo zuen. Erantzun faltaren aurrean, apelazio-errekurtso bat aurkeztu zuen, eta horren ebazpena da gaur argitaratu dena.
Kautelazko neurriak altxatzea baztertu du, eta, beraz, ez da aldaketarik egongo epaiketa egin bitartean.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.