Trafikoan ez ezik, garraio publikoan ere izango du eragina Tourrak, Zornotzatik abiatzen den egunean
2023ko uztailaren 3an, Frantziako Tourraren 3. etapa Zornotzan hasiko da. Hartara, 06:00etatik 14:00etara, zenbait kaletan zirkulazioa moztuko dute ibilgailu guztientzat, baimendutakoentzat salbu:
• Gudari kalea, Txiki Otaegi kalearekiko bidegurutzetik
• Ibaizabal, aparkalekua barne
• Nafarroa, bi aparkalekuak barne
• Azoka
• Jauregibarria
• Belatxikieta
• Bizkargi
• Enrike Renteria, 10. zenbakiko garajeen sarreraraino
Ibilbidea Zornotzan
Herritarrei ahalik eta eragozpen gutxien eragiteko eta beharrezko azpiegitura prestatzeko denbora izateko, bizilagunei eskatuko zaie ibilgailu guztiak kale horietatik kentzeko, beranduenez, 2023ko uztailaren 1eko (larunbata) gaueko 22:00etarako.
Ostegunean, ekainaren 29an, Udaltzaingoak eta antolakuntzak baimendutako langileek informazioa emango diete egoiliarrei, egun horretan erabilgai egongo diren aparkaleku alternatiboei eta mozketei buruz, eta espazio publiko horren erreserba bermatuko dute.
Uztailaren 3ko 10:00etatik 13:15etara, Tourraren ibilbide osoa moztuko da.
Lemoa eta Galdakao
Zornotzak uneoro izango du sarbidea Lemoatik eta Galdakaotik, eta edozein ibilgailu sartu ahal izango da herrigunera, itxita dauden guneetara izan ezik.
Uztailaren 3an, 3.500 kilotik gorako ibilgailuei sarrera mugatuko zaie.
Garraio publikoan eragina
09:00etatik 14:00etara zerbitzu mugatua izango dute ondorengo lineek:
A-3911 Elorrio - Galdakaoko Ospitalea
A-3912 Eibar – Galdakaolp
A3514 Gernika – Bilbao
A3515 Bermeo - Bilbao
A3513 Lekeitio – Bilbao
A3523 Lekeitio – Bilbao
A3525 Gernika – UPV/EHU
Lemoatik Bilbora doazen eta Durangaldetik ez doazen linea guztiek, A3925, A3927 eta A3917 lineek, zerbitzu normala izango dute. Gudari kaleko ohiko geltokia San Pedro kalera lekualdatuko da, Vallet Poligonoaren parera.
Euskotrenek, bestalde, zerbitzua indartuko du.
Albiste gehiago gizartea
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.