2019an desagertu zen enpresari gasteiztarrarenak dira Ciudad Realen aurkitutako hezurrak
Manzanaresko (Ciudad Real) putzu batean aurkitutako hezurrak Jesus Maria Gonzalez Borrajo Gasteizko enpresariarenak dira, Maria de los Angeles Herreros Espainiako Gobernuak Ciudad Realen duen ordezkariordeak baieztatu duenez.
Putzuan aurkitutako hezurrei egin zaizkien DNA probek baieztatu dutenez, gorpuzkiak Gonzalez Borrajo Manzanaresenak dira.
Herrerosek azaldu duenez, "ez da batere erraza izan Guardia Zibilak putzu batean zeuden gorpuzkiak eskuratzea".
Ciudad Realeko Guardia Zibilak adierazi duenez, egunean zehar, eguraldiak ahalbidetzen duen bitartean, putzutik hezur gehiago ateratzen jarraituko dute.
57 urteko enpresaria duela lau urtetik zegoen desagertuta, Gasteiztik Manzanaresera luxuzko bi ibilgailu saltzeko asmoz joan ondoren. Antonio C. (hura bizirik ikusi zuen azken pertsona) bitartekari gisa aritu zen transakzio horretan.
Txanpon-makinen negozioan aritzen zen enpresariak ez zuen Paraguairako hegaldirik hartu desagertu eta hurrengo egunean, aurreikusita zuen bezala.
Gonzalez Borrajoren familiak beti susmatu izan du bere kasua Juan Miguel Islaren kasuarekin lotuta dagoela. Isla 2022ko uztailaren 21ean desagertu zen, eta haren gorpuzkiak martxoan aurkitu zituzten, Antonio C. bitartekariaren finka bateko putzu batean.
Albiste gehiago gizartea
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Erregelamenduaren erreforma berriak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.