Inoiz ez ikusitako suteak itzaltzeko modu berriak
Balmasedako 2022ko urriko suteak, erretako hedadurari dagokionez azken 30 urteetako handiena izateaz gain, leherkorra eta muturrekoa izan zen. Inoiz ikusi gabeko sute mota berri bat heldu zen lurraldera.
Sute mota hori ohikoagoa izan liteke etorkizunean Europako hegoaldean. Horregatik, Bizkaiak garai berrietara egokitu du suteen aurkako larrialdi plana (INFOBI), eta, beste prebentzio lan batzuen artean, lurraldearen azterketa indartu dute, sutea gertatuz gero arazo handiak sor ditzaketen puntu kritikoak identifikatzeko.
Orografia (haranaren hondoan sortutako suteak azkar zabal daitezke), lehortea (landaredi lehorra erregaia da) eta meteorologia egokia (arriskurik handiena haizeak eta tenperatura altuek sortzen dute) elkartzen direnean, sute arriskua izateko baldintza ezin hobeak daude.
600 pertsona inguru koordinatzen dituen plan berrian, lurraldearen azterketa indartu da, plangintzan eta prebentzioan erabiltzeko, eremu kritikoetan arreta jarrita. Orain, Foru Aldundia eskualde bakoitza aztertzen ari da. Gainera, sutea gertatzen denean ere erabiltzen da analisia, sua itzaltzeko ardura duen taldeari aholkuak emateko.
Berrikuntza gisa, INFOBIk makina astunak ekarri ditu, prebentzioan erabiltzeko zein sua itzaltzeko lanetan zuzenean jarduteko.
Makina handiak suteen kontra.
Makina horiek suari zuzenean eraso diezaiokete, lurra mugituz eta garrak estaliz, baita bide seguruak sortu ere, sugarrei zeharka eraso egiteko. Gainera, Carlos Uriagereka Bizkaiko Mendien Zerbitzuko buruak azaldu duenez, erretzen ari den lekuan bertan lanean ari diren langileak babesteko erabil daitezke, behar izanez gero.
Planak, halaber, baso suteen kausei buruzko ikerketak indartu ditu, prebentzioan lagundu baitezakete.
Zure interesekoa izan daiteke
Hilda topatu dute Arredondon, Kantabrian, desagertutako mendizale bilbotarra
Goizeko lehen orduan aurkitu dute haren ibilgailua, eta, horri esker, mendizalea inguru horretan zebilela baieztatu, eta bilaketa-eremua mugatu dute.
Iruñea kolorez eta euskararen aldeko aldarrikapenez bete du Korrikak
Milaka lagun korrika ibili dira Nafarroako hiriburuko kale eta auzoetan barrena, euskararen aldeko festa jendetsu bihurtuta. Adin guztietako pertsonak bildu dira Iruñean, indarrak hartu ondoren, kaleak energiaz, emozioz eta konpromisoz betez.
Albaceteko zale batekin eztabaidatu ostean hil den Racingeko zale baten heriotza ikertzen ari dira
Ikerketaren gertuko iturriek baieztatu dutenez, gertakariaren jatorria ez dago futbolarekin lotuta, ezta bi taldeetako jarraitzaileen arteko borrokaldi antolatu batekin ere.
EITBk Korrikaren lekukoa eraman du Iruñean
Euskararen aldeko lasterketak EITBren babesa jaso du aurten ere. 24. Korrikaren 763. kilometroa korritu du EITBk, Iruñean, Sadar kalean. Arnaitz Fernandez ("Eguraldia") eta Amaiur Elizari ("Navarra Hoy") aurkezleek eta Iruñeko egoitzako lankideek eraman dute lekukoa Nafarroako hiriburuan.
Arrazakeriaren aurkako 29. martxak etorkinen erroldatzeko eskubidearen alde egin du
500 bat lagunek hartu dute parte gaur Pasaia eta Donostia arteko manifestazioan. SOS Arrazakeriak Arrazakeriaren eta Xenofobiaren aurka antolatutako XXIX. Martxan, etorkinek erroldatzeko eskubidea dutela aldarrikatu dute.
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.