Bandera gorria Donostiako Zurriola hondartzan, karabela portugesen 7 ziztada izan ondoren
Bandera gorria dago Donostiako Zurriola hondartzan eta, beraz, bainua hartzea debekatu dute, goizean karabela portugesen zazpi ziztada izan ondotik. Sorosleek bainua hartzen ari ziren pertsonak uretatik atera dituzte, eta zenbait arazo izan dituzte uretatik atera nahi ez zuten surf eskoletako monitoreekin.
Asteburuaz geroztik adi dabiltza euskal kostaldea ikuskatzen hondatzetako sorosle eta arduradunak; izan ere, azken egunotan karabela portugesak, tantaka bada ere, gure kostaldera hurbiltzen ari dira, zenbait kasutan ziztadak eraginez. Nabarmentzekoa da horien ziztadak toxikoak direla, eta beste marmokenak baino arriskutsuagoak.
Zurriolako hondartzan dagoen bandera gorriaz gain, Ondarretan ere agertu da gaur aleren bat, eta, beraz, bandera horia jarri dute berriro gaur goizean. Zarautzen, atzo ur ertzean zenbait ale atzeman eta karabelek hainbat ziztada eragin ondotik, astearte honetan sorospen-zerbitzuek egindako ikuskapenean "ale bakarra antzeman dute" herriko kaiako ur gainean, eta, beraz, bandera horia ezarri eta bainua arretaz hartzeko deia luzatu dute.
Gurutze Gorriko iturriek jakinarazi dutenez, Hondarribiko eta Getariako bi hondartzetan bandera berdea ageri da, baina atzo horia izan zuten, hainbat ale ikusi eta gero.
Bizkaian, ez da inolako gorabeherarik izan, ez ziztadarik bederen. Baina surflari batek ziurtatu duenez, karabela portuges bat ikusi du Muskizko hondartzako uretan.
Euskal kostaldean 2018an ikusi genituen azkenekoz karabela portugesak. Azken egun hauetan hainbat lagun artatu behar izan dituzte euskal kostaldean. Alerta jo dute eta gomendio zerrenda kaleratu dute, ziztada jasanez gero, zer egin jakiteko: hazka ez egitea eta larrialdi postura ahalik eta azkarren joatea.
Nolakoa da jarduera-protokoloa?
Salbamendu- eta sorospen-zerbitzuek Osasun Publikoari jakinarazten diote marmokak ikusi dituztela, itsaso zabalean, bainu-eremuan edo hondarretan, Eusko Jaurlaritzako Osasun Sailak adierazi duenez.
Horretan oinarrituta, hainbat prebentzio-neurri hartzen dira, espeziea, kopurua eta agerpen-lekua kontuan hartuta. Posible da bandera horia jarri eta arretaz bainua hartzeko deia egitea megafono bidez, edota bainua guztiz debekatu eta bandera gorria jartzea.
Zure interesekoa izan daiteke
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.