Jenni Hermosok salaketa aurkeztu du Rubialesen aurka
Jenni Hermoso futbolariak salaketa formala aurkeztu du Luis Rubiales RFEFko presidentearen aurka, Munduko Txapelketa irabazi eta gero baimenik gabe eman zion musua dela eta.
Fiskaltzatik azaldu dutenez, jokalariak atzo jarri zuen salaketa Estatuko Fiskaltza Nagusian, Marta Durantez Auzitegi Nazionaleko fiskalordearen aurrean.
Horren ostean, Auzitegi Nazionaleko Fiskaltzak iragarri du laster kereila jarriko duela Rubialesen aurka.
Abuztuaren 28an, Ministerio Publikoak izapideak abiatu zituen Rubialesen musuagatik, sexu-erasoa izan zitekeelakoan, eta auzitara jotzea eskaini zion jokalariari.
Irene Montero jarduneko Berdintasun ministroak babesa agertu dio Hermosori, X sare sozialean (Twitter ohia) idatzitako mezu batean: "Jenni Hermoso, ez zaude bakarrik. Milioika gaude zurekin".
Victoria Rosell Genero Indarkeriaren aurkako Espainiako Gobernuaren ordezkaria ere mintzatu da sare sozial horretan: "Jokalariak eman du zigor legeak eskatzen zuen pausoa gertatutakoa ikertu eta epaitzeko. Orain, egoerak eskatzen duen mailan egon behar du Estatuak. Eta egon egongo da. Beharrezkoak diren legeak ditugu, eta Fiskaltzak konpromisoa agertu du berdintasunarekin eta indarkeria matxistaren aurka".
Albiste gehiago gizartea
Alkolea pasaiko paumaren habia eta errutea desagertu dira, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.
Etxebizitza da EAEko herritarren kezka nagusia
Osasunarekiko kezkak behera egin du azken sei hilabeteetan, baina bigarren arazorik garrantzitsuena da (% 36), bizitzaren kostuaren aurretik (% 34). Bestalde, herritarrek 4,7ko nota jarri diote (10etik) Imanol Pradales buru duen Eusko Jaurlaritzaren lehen urteari.
174 urteko espetxe zigorra eskatu dute Zizurko institutuko komunetan emakumeak grabatu zituen irakaslearentzat
Probintzia Auzitegiak epaitzen ari da irakaslea, haurren intimitatearen eta pornografiaren aurkako delituak egotzita, hainbat hilabetez ikertzen aritu eta gero; guztira, 41 biktima izan dira.
700 pisu turistiko kentzeko exijitu du Eusko Jaurlaritzak Airbnb plataformari
Uztailaren 1etik aurrera, etxebizitza turistikoen erregistro bakarra sartuko da indarrean. Javier Hurtadok ohartarazi duenez, nahitaezko erregistro-zenbakiak sartu ezean, jarduera etetera behartuz zigortu ahal izango dituzte.
Pertsona bat hil da Zuian izandako trafiko istripuan
Auto bat errepidetik atera eta irauli egin da N-622an. Gidaria ibilgailuaren barruan harrapatuta geratu da, eta bertan hil da.
Gizon bat atxilotu dute Portugaleteko taberna batean beste bati aizkoraz erasotzeagatik
Atzo 20:00etan gertatu zen erasoa. Biktimak zauriak ditu eskuetan eta bizkarrean.
Albiste izango dira: Saretzen txostena, PSNren krisia eta Errefuxiatuen Mundu Eguna
Gaurkoan albiste izango direnen laburpena, bi hitzetan.
Oñatiko Larraña Etxeak 20 nazionalitateko 100 errefuxiatu hartzen ditu
Harrera zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.