Denboraleak kalteak ibilgailuetan, uholdeak, hodien leherketak eta putzuak eragin ditu Bizkaian eta Gipuzkoan
Denboraleak Bizkaian eta Gipuzkoan izan du eragin handiena. Ur-putzu ugari sortu dira; hodiak lehertu dira; kutxatilen ertzak hustu dira; errepideetan ura pilatu da; urak tailerrak, etxebizitzak, kaleak eta terrazak hartu ditu hainbat udalerritan; ibaiek gainezka egin dute, etab.
Eusko Jaurlaritzako Segurtasun Sailak jakinarazi duenez, Bizkaian, Urko ibaiak gainezka egin zuen Etxebarrian, eta txingor zaparrada handiak izan ziren Igorren; gainera, pertsona bat artatu behar izan zuten.
Berrizen, Iurretan eta Durangon, harri-jasak kalteak eragin zituen ibilgailuetan, eta AP-8 errepidean, Zornotza parean, gidari askok ibilgailua gelditu behar izan zuten, une jakin batean ez baitzen errepidea ikusi ere egiten.
Honako udalerri hauetan, ur-putzu handiak sortu ziren: Muskiz, Barakaldo, Erandio, Sopela, Ortuella, Abanto, Santurtzi, Trapagaran, Lemoa, Berriatua, Lekeitio eta Orozko.
Bestalde, Etxebarrian, Berriatuan, Laukizen, Mendexan, Elorrion, Markina-Xemeinen eta Mallabian zulo edo luizi txikiak izan ziren.
Gainera, tailerrak, etxebizitzak, kaleak eta terrazak urez bete ziren Zaldibarren, Sestaon, Ondarroan, Etxebarrian, Ermuan, Elorrion, Diman, Berrizen eta Zierbenan.
Gipuzkoan, hustubideek edo estoldek gainezka eginda edo pilatutako ur-putzuek eragindako arazoak izan ziren Donostian, Getarian, Elgetan eta Mutrikun.
Gainera, Zerainen zuhaitz bat erori zen, Deban N-634 errepidean lur-jausi txiki bat gertatu zen, eta Elgoibarko autobiderako sarbidea une batez blokeatu zuen eroritako zuhaitz-adar batek.
Azkenik, hainbat uholde izan ziren Errenterian, Donostian, Astigarragan, Azkoitian, Mutrikun eta Eibarren.
Zure interesekoa izan daiteke
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.