2.500tik gora ahots, bat eginik, Beskoitzeko Ikastolaren alde
Euskal Herri osoko 2.500 lagun inguru bildu dira gaur Beskoitzen, Herriko Etxeari eskatzeko Ikastola eraikitzeko baimenak behingoz eman ditzan.
Seaskak eta Euskal Herriko Ikastolen Elkarteak deituta, manifestazio nazionala izan da gaur goizean Beskoitzen, aspaldiko arazo den honentzako irtenbidea eskatzeko.
"Aterabide bat Beskoitzeko Ikastolarentzat" edo "Beskoitzen ere euskararen alde" gisako aldarriak entzun dira gaur bertan.
2014an jarri zen martxan Beskoitzeko Ikastola, prefabrikatuetan, herriko etxeari alokatutako lurretan eta haietan ikasten dute gaur egun 52 ikaslek.
Duela hiru urte herriko etxearekin hizketan hasi ziren, orain prefabrikatuak dauden eremu horretan eraikin bat jasotzeko. Herriko Etxeak berak eraikina egiteari uko eginda, Seaska prest agertu zen Ikastolaren eraikuntzaren kostua, 600.000 euro, bere gain hartzeko.
Orduan herriko etxeak trabarik jarri ez zuen arren, egun, blokeoa dagoela salatu du Ikastolen Elkarteak, herriko etxea eragozpen teknikoak jartzen ari delako, bata bestearen atzetik, eraikin hori jasotzeko baimenik ez emateko.
Peio Jorajuria Seaskako lehendakariak azaldu duenez, "irtenbide teknikoak badira, orain eskatzen dena da borondate politikoa", mahai baten bueltan eseri eta egoera desblokeatzeko. Ikastolatik azaldu dute hitzordu eskaera asko egin dituztela baina ez dutela erantzunik jaso.
Udala elkarizketarako prest agertu zen ostiralean, ohar baten bidez. Hori bai, eurek jarritako baldintzetan, esaterako ikastolak ez dezan 51 ikasleko langa gainditu.
Gaurko protestan, geldialdia egin dute udaletxe aurrean eta "Aterabide bat Ikastolarentzat. Ikastola herri eskola" afixa jarri dute. Herriko plazan amaitu dute manifestazioa.
Albiste gehiago gizartea
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Muturreko beroa izango dugu gaur eta bihar
Abisu horia ezarri dute ostiralera arte; tenperaturak oso altuak izango dira, 27 eta 35 gradu artekoak.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.