EAEko 41 udalerrik jaso dezakete tentsiopeko eremu izendapena
Etxebizitzaren Euskal Behatokiak Euskal Autonomia Erkidegoko etxebizitzen alokairuari eta tenkatutako eremuei buruzko azterketa egin du. Argitaratu duen txostenean azaltzen duenez, erkidegoko 251 udalerrietatik 41ek eska dezakete tentsiopeko eremu izendatzea; kasu batzuetan, herri edo hiri osorako eta, beste batzuetan, barruti batzuetarako. Horien artean daude hiru hiriburuak, hauetako barruti gehienak tenkatutako eremu gisa definiti baitaitezke, eta baita Bilboko eta Donostiako inguruko herrien gehiengoa ere.
Diagnostikoa egiteko orduan, Eusko Jaurlaritzaren Etxebizitza Sailaren mende dagoen erakundeak kontuan hartu ditu joan den udaberrian Madrilen onartu zen Etxebizitza Legeak zehazten dituen bi irizpideak: 2017tik 2022ra bitarteko prezioen igoera KPI gehi hiru puntu (EAEn % 17) baino handiagoa izatea eta etxebizitza-gastuen batez besteko karga etxekoen unitateen batez besteko errentaren % 30a baino handiagoa izatea.
Txostenaren arabera, EAEko biztanleen % 54, hau da, 1,2 milioi pertsona, tentsiopeko eremu gisa identifikatutako udalerri edo barrutietan bizi dira.
Lurraldeka aztertuta, Gipuzkoan tentsiopeko eremutzat hartuko liratekeen 20 udalerrietatik gehienek batez besteko alokairu-errenta handia dutelako jasoko lukete definizio hori. Andoain, Astigarraga, Beasain, Errenteria, Hernani, Irun, Lasarte-Oria, Lazkao, Lezo, Ordizia, Urnieta, Pasaia, Usurbil, Zestoa eta Zumaiak udalerri osorako egin ahal izango dute eskaera.
Bestalde, Arrasatek, Azkoitiak, Tolosak, Zarautzek eta Donostiak zati batean egin ahal izango dute, barruti batzuetarako. Hiriburuaren kasuan, tenkatutako eremutik kanpo geratuko dira erdialdeko, Aieteko, Amara Berriko, Martuteneko eta Miramon-Zorroagako gune batzuk eta Antigua, Añorga, Ibaeta, Igeldo eta Zubieta auzoak.
Bizkaian, 19 udalerrik eska dezakete adierazpen hori. Barakaldo, Basauri, Berango, Etxebarri, Santurtzi, Sestao, Sondika eta Urduliz oso-osorik definituko lirateke gune tenkatu gisa.
Abanto-Zierbena, Arrigorriaga, Balmaseda, Bermeo, Bilbo, Erandio, Galdakao, Gernika-Lumo, Leioa, Ortuella eta Portugaletek, berriz, partzialki egingo lukete. Bilboren kasuan, deklarazio horretatik kanpo geratuko litzateke 6. barrutia, alegia, Abandori eta Indautxuri dagokiena.
Azkenik, Araban bi dira udalerriak. Horietako bat Gasteiz da, bertako ia barruti guztietan (6.ean izan ezik) batez besteko alokairu-errentak errenta erabilgarriaren % 30 gainditzen baitu. Hiriburutik kanpo, Alegria-Dulantzi udalerria bakarrik egongo litzateke egoera horretan.
Albiste gehiago gizartea
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.