57421 zenbakiak 5.400.000 euro utzi ditu Bilbon, 90 serie salduta
2023ko Gabonetako Loteriaren bosgarren sarien taula osatuta gelditu da eguerdia jo eta laster 37038 zenbakia abestearekin batera. Ez da zenbaki horren dezimorik saldu euskal administrazioetan.
Ledesma kaleko Loteria administrazioak, Bilboko erdigunean, Gabonetako Loteriaren bosgarren saria lortu duen 57421 zenbakiaren 90 serie saldu ditu. Horrela, 5.400.000 euro banatu dituzte han. Saritutako dezimoetako bat atzo arratsaldean bertan saldu zen.
Hala kontatu die hedabideei administrazio horretako arduradunak, eta duela lau urte sari nagusia saldu ondoren, halako zorterik ez zuela espero esan du.
Oraingoan, 90 serieak "oso banatuta egon dira" eta zenbaki saritua atera eta minutu gutxira bertan ziren jada bezero batzuk, saria ospatzeko.
Zenbaki horren dezimo bat Leioako (Bizkaia) Artea merkataritza-guneko administrazioan saldu da, aurten, oraingoz, hiru bosgarren sari ere banatu dituena.
57421 zenbakiaren zazpi dezimo Donostiako bi administraziotan saldu dira, beste bi Lasarten, eta dezimo bat Allon.
57421a, azken aurreko bosgarren sariaren 90 serie saldu dira Bilboko Ledesma kaleko loteria-administrazioan, eta beraz, 5.400.000 euro banatuko dituzte saritan.
Gainera, dezimoak saldu dira Leioan, Allon, Zarautzen, Lasarten eta Donostian.
86007 zenbakiaren hainbat dezimo saldu dira Bilbon (bi puntutan), Sestaon, Tuteran, Cordovillan, Donostian (bi puntutan), Irunen, Azkoitian eta Gasteizen.
01568 zenbakiari egokitu zaio Gabonetako Loteriaren beste bosgarren sarietako bat, 60.000 eurokoa serierako.
Serie horietako 15 Getxon saldu dira, eta, beraz, 900.000 euro banatuko dituzte han. Gainera, dezimo bana saldu dira Bilbon eta Leioan, eta beste bi Iruñean.
Zenbaki horren dezimoak saldu dira Getxon, Bilbon, Leioan eta Iruñean.
92023a, 2023ko Gabonetako Zozketaren bosgarren saria, 60.000 euro sereari. Euskal administrazioetan ez da dezimorik saldu.
88979 zenbakiari egokitu zaio Gabonetako Loteriaren Zozketa Bereziko bosgarren sarietako hirugarrena, 60.000 eurokoa serierako.
Zenbakia 10:09ean abestu da hirugarren taulako hirugarren alanbrean.
Euskal Herri osoan banatu dira zenbaki honen dezimoak.
60.000 euro banatu dira Bizkaian, Santurtzin, Bilbon, Zornotzan, Derion, Leioan bi tokitan, Ondarroan, Galdakaon eta Urdulizen saldutako dezimoekin.
30.000 euro Gipuzkoara joan dira, Donostian hiru dezimo eta Zumarragan bi salduta.
Nafarroara joan dira 24.000 euro: Iruñean bi tokitan, Falcesen eta San Adrianen saldu dira dezimoak.
Bigarren bosgarren sariak, 45353ak, 60.000 euro utzi ditu Bilbon eta 6000 Leioan, serie bat eta dezimo bat salduta, hurrenez hurren.
Zenbakia 09:53an abestu da bigarren taulako 8 alanbrean.
54274 zenbakiari egokitu zaio Gabonetako Loteriaren Zozketa Bereziaren bosgarren sarietako lehena. Serieko 60.000 euroko saria dute eta zortzi sari dira guztira.
Aurtengo zozketako lehen sari handia izan da, goiztiarra izan ere. Teruelgo 3 zenbakiko administrazioan saldu dute saria.
Zure interesekoa izan daiteke
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".